|
|
Lectio V
Grammatica
Morphologia:
Coniugatio prima (-are): activum, indicativus praesentis, imperativus;
pronomen personale: accusativus singularis et pluralis;
adverbium interrogativum: cur?
negatio: «non».
Syntactica:
Sententiae affirmativae, sententiae imperativae, sententiae interrogativae.
―――――――――――――――――――――
1. «Quid apportas, agricola?» – «Gallinam apporto, domina.»
2. «Quem exspectatis, puellae?» – «Amicas exspectamus, avia.»
3. «Apporta pilam, Lucia!» – «Apportate violas, puellae!»
4. Lucia pilam occultat. TuIIia se occultat. Puellae se occultant.
5. Me lavo. Te lavas. Nos recreamus. Vos recreatis.
―――――――
Convivas exspectamus.
Domina vocat. Nemo obtemperat. Tum domina ancillas excitat: «Exspecto convivas, ancillae. Purgate aulam et villam! Purgate etiam fenestras! Cur te occultas, Delia? Apporta rosas et violas! Para coronas! Coronae rosarum convivas delectant. Purga et decora mensam, Phrygia! Ornate ianuam et sellas, Lesbia et Syra! Quid cessas, Phrygia? Cur non properatis?»
Convivae portae appropinquant et villam intrant. Domina convivas salutat: «Saluto vos, convivae.» Et convivae: «Salutamus te, domina.»
―――――――
Inspectio
Lucia pilam occultat. (sententia affirmativa)
Quid Lucia occultat? (sententia interogativa)
Lucia, pilam occulta! (sententia imperativa)
tē
sē
mē
nōs
vōs
sē
Vocabularium
viola
fenestra
iānua
expectāre
occultāre
lavāre
recreāre
excitāre
decorāre
ōrnāre
cessāre
properāre
appropinquāre
nēmō
cūr?
nōn
Dēlia
Lesbia
Syra
Phrygia
Dictionarium latine-anglice
|