BIBLIOTHECA AUGUSTANA

 

Ludus Latinus

Cursus linguae latinae I

 

Lectio XVIII

 

Grammatica

Morphologia:

Coniugatio prima (-are): passivum, indicativus praesentis.

 

―――――――――――――――――――――

 

 

1. Medicus puerum sanat.

2. A quo puer sanatur?

Puer a medico sanatur.

3. Adiuvo amicos.

 

Puer sanatur.

Qua re puer sanatur?

Puer medicina sanatur.

Amici a me adiuvantur.

4. Semper amicus a me adiuvabatur. Semper amici a me adiuvabantur.

5. Statim amicus a me adiuvabitur. Statim amici a me adiuvabuntur.

6. Paulus amico: «A quo adiuvabor?» Amicus Paulo: «A me adiuvaberis, ut semper

adiuvabaris.»

7. «A magistro vituperabimur.» «Dum seduli eratis, laudabamini. Si seduli eritis,

laudabimini.»

 

―――――――

 

De bello domestico Gallorum.

 

Caesar                        Ariovistus

 

 

Olim Gallia bello domestico lacerabatur. Haedui enim cum Sequanis de principatu dimicabant. Postremo Haedui auxilium a Romanis imploraverunt: A Sequanis vexamur. Saepe pugnabatur, oppida et agri nostri vastabantur. Nunc Sequani Germanum Ariovistum, regulum Sueborum, advocaverunt, et Germani magna tributa a nobis postulaverunt. Sed vita misera a nobis non iam tolerabitur, nisi res nostrae mutabuntur et Germani a vobis multabuntur. Ab amicis et sociis adiuvari aequum est, a viris barbaris vexari indignum est. Properate nobis adesse! Si a vobis adiuvabimur, a Germanis non iam violabimur.» C. lulius Caesar Gallos placabat et: «A me», inquit, «adiuvabimini. Consilia mea vobis mox nuntiabuntur.» Deinde Caesar Ariovisto in colloquio: «Dum ego», inquit, «in consulatu eram, tu amicus populi Romani appellabaris. Nunc alii amici Romanorum a te vexantur. Amici nostri a nobis adiuvabuntur. Itaque, nisi statim in Germaniam remigrabis, a me fugaberis.»

Ariovistus non obtemperavit. Itaque Caesar paulo post cum Ariovisto acie decertavit et exercitui Germanorum perniciem paravit.

 

―――――――

 

Vocabularium

 

medicīna [medicus]

prīncipātus, ūs m.

oppidum

rēgulus

barbarus

colloquium

cōnsulātus, ūs m.

domesticus, -a, -um

aequus, -a, -um

indīgnus, -a, -um

lacerāre

dīmicāre

implōrāre

vēxāre

vastāre

mūtāre

mūltāre

violāre

remigrāre

ā quō?

statim

ut

postrēmō [posterus]

dum

Gallia

Gallus

Haeduī (Gallī)

Sēquanī (Gallī)

Suēbī (Germanī)

C. (Gāius) Iūlius Caesar (100 - 44 a. Chr. n.)

Ariovistus (ca. 72 - ca. 54 a. Chr. n.)

 

Dictionarium latine-anglice