BIBLIOTHECA AUGUSTANA

 

Ludus Latinus

Cursus linguae latinae I

 

Lectio XXX

 

Grammatica

Morphologia:

Declinatio tertia sive consonantica: femina,

genus naturale.

 

―――――――――――――――――――――

 

1. Pater meus saepe: «Mi fili», inquit, «vocem tuam exerce! Vox tua pulchra est. Voce tua

multos homines delectabis.»

2. Itaque cum fratre et sorore iam prima luce canto.

3. Tum gaudium parentum nostrorum, patris et matris, magnum est, et semper nos laudant.

– Pax vobiscum!

 

―――――――

 

De Germanorum sacerdotibus,

mulieribus, militibus, hospitibus.

 

 

Germani antiqui in pace neque reges neque iudices neque leges habebant; in bellis duci parebant. Laudem bellicam Germani magis amabant quam salutem suam. Militum audacia magna erat, et saepe Romani impetu exercituum Germanorum terrebantur. Germani non modo peditibus, sed etiam equitibus valebant.

Magna erat apud Germanos auctoritas sacerdotum. Sacerdos etiam disciplinae custos erat. Sacerdotibus multare et necare licebat. Homines scelestos in paludes praecipitabant. Cum hospites in tutela deorum essent, hospitem a tecto arcere aut violare non licebat.

Etiam mulierum auctoritas magna erat. Precibus matrum et uxorum viri parebant; mulieres saepe una cum viris labores bellorum sustinebant vel in summis periculis pugnabant. Ita coniux viro et res domesticas curabat et cara socia periculorum erat.

 

 

―――――――

 

Vocabularium

 

vōx, vōcis  f. [vocāre]

lūx, lūcis  f.

prīmā lūce

pāx, pācis  f.

lēx, lēgis  f.

precēs, precum  f.

parentēs, -tum m.

māter, -tris f.

frāter, -tris m.

soror, -ōris f.

rēx, rēgis m. [rēgulus]

iudēx, -icis m. [iudicium]

dux, ducis m.

mīles, -itis m.

pedes, -itis m. [peditātus]

eques, -itis m. [equitātus]

sacerdōs, -ōtis m. [sacer]

cūstōs, -ōdis m.

hospes, -itis m.

mulier, -eris  f.

uxor, -ōris  f.

coniūx, -ugis m.

coniūx, -ugis  f. = uxor, -ōris  f.

gaudium

palūs, -ūdis  f.

tūtēla

socia

bellicus, -a, -um

scelestus, -a, -um

licēre, licet, licuit

sustinēre, -eō, -uī

magis [māgnus]

quam

magis quam

ūnā [ūnus]

 

Dictionarium latine-anglice