Waldere

Text:

Waltharilied, Lateinisch/Deutsch,

mit den Waldere-Bruchstücken

Ed.: G. Vogt-Spira, Stuttgart 1994

Facsimile:

Det Kongelige Bibliotek, København

____________________________________________________________

Det Kongelige Bibliotek, København, NKS 167 b, 4º

Waldere A:

Hiltgund

. . . . [Hiltgund] . . . . . . . . . . . . .

. . . . . . . . . . . . . . . . . . . . . . . . . . .

. . . . . . . . . . . .       hyrde hyne georne:

«Huru Weland[es]      worc ne geswicedh

monna ænigum      dhara dhe Mimming can

heardne gehealdan.      Oft æt hilde gedreas

5

swatfag ond sweordwund      sec[g] æfter odhrum.

Ætlan ordwyga,      ne læt dhin ellen nu gy[t]

gedreosan to dæge,      dryhtscipe . . .

. . . . . . . . . .       [nu] is se dæg cumen,

thæt dhu scealt aninga      odher twega

10

lif forleosan      odhdhe lang[n]e dom

agan mid eldum,      Ælfheres sunu.

Nalles ic dhe, wine min,      wordum cide,

[dh]y ic dhe gesawe      æt dham sweord[p]legan

dhurh edwitscype      æniges monnes

15

wig forbugan      odhdhe on weal fleon,

lice beorgan,      dheah the ladhra fela

dhinne byrnhomon      billum heowun;

ac dhu symle furdhor      feohtan sohtest,

mæl ofer mearce;      dhy ic dhe metod ondred,

20

thæt dhu to fyrenlice      feohtan sohtest

æt dham ætstealle      odhres monnes

wigrædenne.      Weordha dhe selfne

godum dædum,      dhenden dhin god recce!

Ne murn dhu for dhi mece;      dhe weardh madhma cyst

25

gife[dh]e to eoce,      [mit] dhy dhu Gudhhere scealt

beot forbigan,      dhæs dhe he dhas beaduwe ongan

[mi]d unryhte      ærest secan.

Forsoc he dham swurde      ond dham syncfatum,

beaga mænigo,      nu sceal beaga leas

30

hworfan from dhisse hilde,      hlafurd secan

ealdne edhel      odhdhe her ær swefan,

gif he dha . . . . . . . . . . . . . »

. . . . . . . . . . . . . . . . . . . . . . . . . . .

Waldere B:

Gudhhere                                                                        Waldere

. . . . . . . [Gudhhere] . . . . . . .

« . . . . . . . . . . . . . . . . . . . . . . . . . . .

. . . . . . . . . . . . . . . . . . ce bæteran

buton dham anum,      dhe ic eac hafa

on stanfate      stille gehided.

Ic wat thæt [h]i[t] dhohte      Dheodric Widian

5

selfum onsendon,      ond eac sinc micel

madhma mid dhi mece,      monig odhres mid him

golde gegirwan      iulean genam,

thæs dhe hine of nearwum      Nidhhades mæg,

Welandes bearn,      Widia ut forlet;

10

dhurh fifela ge[wea]ld      fordh onette.»

Waldere madh[e]lode,      wiga ellenrof,

hæfde him on handa      hildefro[f]re,

gudhbilla gripe,      gyddode wordum:

«Whæt, dhu huru wendest,      wine Burgenda,

15

thæt me Hagenan hand      hilde gefremede

ond getwæmde fedhewigges.      Feta, gyf dhu dyrre,

æt dhus headhuwerigan      hare byrnan!

Standadh me her on eaxelum      Ælfheres laf,

god ond geapneb,      golde geweordhod,

20

ealles unscende      ædhelinges reaf

to habbanne,      thonne ha[n]d weredh

feorhhord feondum.      [N]e bidh fah widh me,

thonne [w]ifl[e] unmægas      eft ongynnadh,

mecum gemetadh,      swa ge me dydon.

25

Dheah mæg sige syllan      se dhe symle bydh

recon ond rædfest      ryhta gehwilces.

Se dhe him to dham halgan      helpe gelifedh,

to gode gioce,      he thær gearo findedh,

gif dha earnunga      ær gedhencedh.

30

Thonne moten wlance      welan britnian,

æhtum wealdan,      thæt is . . . . . »

. . . . . . . . . . . . . . . . . . . . . . . . . . .