La Cantilène

de Sainte Eulalia

Transcription

Texte dans:

Altfranzösisches Übungsbuch

Éd.: W. Braune/K. Helm, Halle 1952

______________________________________________________________________________

Ms. du IXe s.: Bibliothèque de Valenciennes, no. 150, fol. 141v.

Buona pulcella fut Eulalia:

Bel auret corps, bellezour anima.

Uoldrent la ueintre li d(e)o inimi;

Uoldrent la faire diaule seruir.

5

Elle no(')nt eskoltet les mals conselliers

Qu(')elle d(e)o raneiet chi maent sus en ciel,

Ne por or ned argent ne paramenz,

Por manatce regiel ne preiement;

Niule cose non la pouret omq(ue) pleier

10

La polle sempre n(on) amast lo d(e)o menestier.

Et por( )o fut p(re)sentede maximiien,

Chi rex eret a cels dis soure pagiens.

Il( )li enortet - dont lei nonq(ue) chielt -

Qued elle fuiet lo nom xr(ist)iien.

15

Ell(' )ent adunet lo suon element:

Melz sostendreiet les empedementz

Qu(')elle p(er)desse sa uirginitet.

Por( )os furet morte a grand honestet.

Enz enl fou lo getterent, com arde tost:

20

Elle colpes n(on) auret, por( )o nos coist.

Aczo nos uoldret concreidre li rex pagiens;

Ad une spede li roueret tolir lo chief.

La domnizelle celle kose n(on) contredist:

Uolt lo seule lazsier si ruouet krist.

25

In figure de colomb uolat a ciel.

Tuit oram que por nos degnet preier

Qued auuiset de nos xr(istu)s mercit

Post la mort & a lui nos laist uenir

       Par souue clementia.