Cinq pastourelles

Pastourelle II

____________________________________________________________________________

L'autre jor les un boschel

en un praiel

verdoiant et bel

trovai pastorelle sans revel

5

plorant     et plaignant

et dementant

por un pastorel k'amer soloit.

or l'entrelaissoit

por un aignel

10

k'ele perdu li avoit

en un boschel.

«Lasse moi», fait ele en haut,

«com por li vaut

Guiot ki me faut,

15

quant si m'a laissie seule ou gaut!

l'onor     de m'amor

sans nul faus tor

li ai otroie a son voloir.

or me fait savoir

20

son maltalent

por cou ke nel puis ravoir

legierement.

Qui bien aime il het envis,

voirs est chis dis:

25

peu me fu amis

quant por tel damaige m'est guenchis.

or mais     en soit pais:

il est mauvais.

peu puis plaindre son departement.

30

sa foi je li rent,

quites en soit.

fous est ki longes atent,

s'on bien n'i voit.»