La Danse Macabre

Puisque ainsi est que la mort soit certainne

Plusque aultre rien terrible et douloureuse

Et que chose ne peult estre incertainne

Puis que en est lheure horrible et angoisseuse

Et soit si briefue et par tant perilleuse

Las nostre vie en ceste val miserable

Il mest aduis / pour le plus convenable

Que nous devons du tout entierement

Mectre soubz pie ce monde decepvable

Pour bien morir et vivre longuement.

Et messe ouir qui tant est profitable

Pour bien mourir et vivre longuement.

Delesser doit toute ioye mondainne

Et mener vie humble et religieuse

Qui monter veult a la tres souverainne

Cite des cieulx qui tant est glorieuse.

La contempler doit tousiours lame eureuse

Qui ayme dieu et hait euvre de diable

Suivre les bons / estre a tous charitable

Soy confesser souvent deuotement.

Troup abuse est lhomme qui demainne

Orgueil en luy et vie ambicieuse

Quant il scet bien que la mort tout emmaīne

Qui vient souvent soudainne et merveilleuse.

Mais doit penser la passion piteuse

Du redempteur et la peine doutable

Denfer sans fin qui est ineuerrable

Le iour batif du divin iugement

Et ses peches / comme saige et notable

Pour bien morir et vivre longuement.

O mortel homme et ame roisonnable

Se apres mort ne veulx estre dampnable

Tu dois le iour une fois seulement

Penser du moins ta fin abhominable

Pour bien morir et vivre longuement.