Preface sur les Essais de

Michel, seigneur de Montaigne

1598

Texte:

Essais de Michel, seigneur de Montaigne,

édition nouvelle prise sur l'exemplaire

trouvé après le déces de l'autheur.

MDXCXVIII. (Source: Gallica/BNF)

Version digitale: Marc Szwajcer

______________________________________________________________

PREFACE SUR LES ESSAIS

DE MICHEL SEIGNEUR

de Montaigne,

PAR SA FILLE D'ALLIANCE.

LECTEUR, si ie ne suis assez forte pour escrire sur les Essais, aumoins suis-ie bien assez genereuse pour aduoüer ma foiblesse, & te confesse que ie me retracte de ceste Preface que l'aueuglement de mon aage, & d'vne violente fieure d'ame me laissa n'aguere eschaper des mains: lors qu'apres le deceds de l'Autheur, Madame de Montaigne sa femme me les feit apporter, pour estre mis au iour enrichis des traicts de sa derniere main. Si ie me renforce à l'aduenir, ie t'en diray, sinon ce qu'il faudroit, aumoins ce que ie pense & ce que ie sçay: ou si ie ne sçay rien, encore prendray-ie la plume pour te prier de m'apprendre ce que tu sçauras. Pour cette heure dis-ie ne te donneray rien que mes oreilles afin d'ouyr quel sera ton aduis sur ce liure. Que t'en semble donc Lecteur?