BIBLIOTHECA AUGUSTANA

 

Boppe

um 1285

 

 

Sprüche

 

___________________________________________________

 

 

 

16.

 

Cod. Pal. germ. 848, 419v

Universitätsbibliothek Heidelberg

 

 

Groz ein gebirge Capitanja hat daz lant,

mosik unt mesik, Losacania genant,

daruf ein walt gewahsen vollen dornik;

darinne wont ein wurm von wunderlicher aht,

5

swan[ne] der erzürnet wirt in siner ahte maht,

er schuefe wol, ez wurde ein rise zornik;

sin munt hat gran unt niender zene,

sin hals ist kurz, sin ougen, oren kleine, –

sich, mensche, darnach dich niht sene, –

10

unvuerik lib, und ist gar an gebeine.

zwei horn stant an der stirne sin,

damit er manigen vrechen hat betwungen,

er ist kuener, dan ein eberswin;

erne hat herze, leber, noch die lungen

15

sehs, ane vüeze, bein er hat, gemezzen sunder elle;

sin zagel ist spizzig unt niht lank,

trag ist sin gank,

die siten smal, der rügge ruch: daz rate, swer da welle.