BIBLIOTHECA AUGUSTANA

 

Boppe

um 1285

 

 

Sprüche

 

___________________________________________________

 

 

 

17.

 

Cod. Pal. germ. 848, 419v/420r

Universitätsbibliothek Heidelberg

 

 

Barmunge, dast ein tugent, diu dir wol, mensche, zimt,

barmunge tiuret dir dinen lip, dich, unt nimt

dir iemer werndez ach und arge tregede.

barmunge birt dir staeter hoher eren sedel;

5

barmunge vremdet dir gar aller schanden wedel,

barmunge verret dir heischez gejegede;

barmunge hohe hat getiurt

dich, wan(de) si hat rilich dich erkempfet;

barmunge ist also gehiurt,

10

daz si dir Got hat ze ingesigel gestempfet;

barmunge diu ist so rich ein tugent,

daz si sich hie unt dort ze Gote smükket;

barmunge schuof daz mit ir mugent,

daz Got dich uz der helle[n] porten zükket;

15

barmunge schuof ouch, daz Got hie (sich) kripte unde barnde:

daran gedenke, ein mensche wis,

dur dinen pris,

unt minne erbarmede, durch daz Got dich so [tiure] da mit erarnde.