BIBLIOTHECA AUGUSTANA

 

Boppe

um 1285

 

 

Sprüche

 

___________________________________________________

 

 

 

21.

 

Cod. Pal. germ. 848, 420r

Universitätsbibliothek Heidelberg

 

 

Swaz hoher vürsten, herre(n) hat des Rines vluz,

von Tisentis hin abe biz an den swachen duz:

der aller helfe ist da niht saelde riche;

swaz ir hat Hollant, Brabant unde Krein,

5

Wetteland, Westerrich, der Karste unt Lorrein,

Vriol, Stire, Kernd unt Österriche;

swaz ir in Vranken ist erkant,

die vröuwent mich (vil) selten mit ir gaben;

sam tuont die helde in Beierlant,

10

die bi der Etsche und ouch die stolzen Swaben,

Düringen, Sahsen, Mizener

der Wetterobe, Hesse und ouch [der] Westvale,

der Behein unt der Polan, der

Windischen herren gäbe ich selten male:

15

sus bin ich von ir aller helfe leider gar verdrungen:

daz klage ich dem [hochgelopten] vürsten wert,

der ere gert,

von Baden unt ouch von Berne, dem alten unt dem jungen.