BIBLIOTHECA AUGUSTANA

 

Boppe

um 1285

 

 

Sprüche

 

___________________________________________________

 

 

 

28.

 

Cod. Pal. germ. 848, 420v

Universitätsbibliothek Heidelberg

 

 

Naturen kraft erschinet

wol an dem vogel volita,

ein ser noh, kein swere noh kein leit kumt da

also das er lide not,

5

des er die krone vor allen vogeln treit.

Der tot in niht pinet

als uns diu schrift sagt offenbar,

sin lip vor tode ist froemde,

die vedern werdent bluetig var:

10

als die gotheit wart nie mat,

diu menscheit starb an Krist durh unser leit.

Sit gotheit menscheit fuorte,

diu menscheit starb, so das der tot

die gotheit nie beruorte.

15

Das was ein michel wunder,

das vatter sun geist was eine strike

und doch niht wan einer leide iamer spike.

Der tougen schos tuot die valschen under.