bibliotheca Augustana

BIBLIOTHECA AUGUSTANA

Die Buhlschaft auf dem Baume A

um 1380

	Die Buhlschaft auf dem Baume A Münchner Handschrift
_________________________________________________________________
	VON EINEM PLINTEN.
fol. 57r	Ich wil euch sagen, das ist war, Es sein mere, dan zcehen Jar, Das ich hort sagen mer, Wie das es eynst were
5	Ein plinter, der hette ein schons weip, Die was ym liep, als sein eygenn leip. Sie was hubsch vnd wol gestalt Vnd was dartzu auch nit sere alt.
fol. 57v	Fur war, were sie hette gesehen, Der mußt mit mir die warheit iehen, Das sie was hubsch vnd wol gemut. Nun forchtet der selbige plint gut Also sere, das icht ein ander man
15	Wurde zu seinem weybe gann. Er gedacht yn seinem mute: Ich wil sie haben an guter hute, Das mir sie nyemant neme, Vnd wil sie nemen yn einem zceine.
20	Zcu nacht, als er zu pette ging, Ein eisene halffter er do fing Vnd sloß ir beyde pein darein; Domit solte sie besorget sein. Am morgen frue, do anprach der tag,
25	(Nun mercket eben, was ich sag!) Auß den panden er sie sloß. Sein sorg die was gar groß, Vnd gedacht yn seinem mute: Ach, her gote, durch dein gute,
30	Wie ich verlure mein schones weip, Das vberwundt nymmer mein leip.
fol. 58r	Er sprach: frawe, wir sullen gan, Nit lenger wil ich hie bestan, Wan wir mugen vns began
35	Hie nit so wol, als anderßwo. Nun was ein schuler do, Der yn der selben stat saß, Dem die frawe von hertzen holt was. Das ward dem plinten kunt gethan,
40	Darumb mußt sie von dannen gan. Der schuler ging, do er den plinten fant. Der furt oben an seiner hant Sein mynnigliches frewelein. Nun gedacht ym der schuler fein:
45	Ach, gote, mochte ich in meinem gemute Gewenden mit der frawen gute! Er neyget sich zu ir vnd sprach: Mir ist leyt faßt dein vngemach. Ein briefflein gabe er ir In dy hant,
50	Domit thet er ir gar bekannt Seinen syn vnd auch seinen mut. Das bedaucht dy schonen frawen gar gut. Do sie gelaß das kleyne briefflein,
fol. 58v	Sie sprach: ach, lieber Meister mein,
55	Ich sich dort einen pawm stan; Wir sullen werlich darunter gan, Ob vns des obbs mochte werden. Mich gelustte noch nye hie auff erden Keyns dings nye also wol.
60	Er sprach: ich was nit, was ich sol Noch mit dir begynnen, Das ich es ware werde Innen, Das es sey on alles gefere. Mich bedunckt an deinem gepere,
65	Du wolßt an mir nit recht faren. Mag ich, ich wils bewarn. Doch wil ich selbert dar mit dir, Ob des obs mocht werden mir, Das du so fast gelobet hast
70	Vnd so gern darnach gaßt. Si gingen mit einander dar. Des nam der schuler eben war, Wan er an das briefflein Hette geschriben den syn sein.
75	Der schuler in seiner kappen trug
fol. 59r	Schone öppfel, der waren genug, Dar mit er steygen began Auff ein lynten oben hinan. Die frawe furt den plinten dar.
80	Do sie des schulers wart gewar, Das er steyg auff die lynten, Sie sprach zu Irem plinten: Nun wie sol ich es heben an, Das ich des obbs muge gehan?
85	Wan der pawm ist so hoch. Der plint palde seinen stecken zcoch Vnd slug auf hin an die este, Das ein apfel vil hernider veste, Den der Schuler warffe herab.
90	Er meynet, er sluge yn mit dem stabe ab. Die frawe den apffell balde fandt, Sie gabe yn dem plinten yn die hant. Er sneydt entzcweye den apffell Vnd pot der frawen das eyn teyl.
95	Sie sprach: ich muß ir haben mere Oder mir geschieht wirser, dann wee. Den stap er aber eyns zeucket,
fol. 59v	An die este er do flucks drucket Vnd loßet auch nach dem slag,
100	Ob icht ein apffell oder mere fieln herab. Sie sprach: es ist alles vnmuß. Ich gebe nicht ein haselnuß Vmb was du mir mochst abgeslaen, Du hetest dan ein lange gabeln.
105	Darumb saltu mich steygen lan Auff den pawm oben hinan, Das ich fulle vol meinen sack. Ich gewynn ir, so meynßt ich mag. Er sprach: frawe, so forcht ich mir,
110	Das ein ander kum zu dir. Die frawe sprach: des saltu kein sorge han, Du salt here zu dem pawm gan Vnd mit den henden yn greyffen an, So weistu, ob ein ander man
115	Zu mir auf den pawm mochte komen. Der solte auch wol gewynnen Lutzel vnd wenig an der fertt, Er gewinn dann dor an streich hertt. Der plint gedacht: ia, du hast war.
fol. 60r	Vnd halff ir auff den pawmen dar. Do sie auff den pawmen kam, Do vmbfing der plint den stam Vnd loßet da vil eben. Der schuler begund mit der frawn zu streben.
125	Mit irem schonen stoltzen leybe Wolte er nach luste kurtzweyl treybe. Der plint ruffen do began: Schut den pawmen flucks oben an, Das etzwas falle herab!
130	Der schuler was ein rechter knab, Er begund sich mit der frawen rutteln Vnd die opffell auß der kappen schutteln. Er sprach, das were recht. Vnser herr vnd auch sein knecht
135	Sandt Peter gingen bede da fur. Das erhoret der plint geheür; Er sprach: wer geht da pey? Wart, das er auch ein fremde sey. Sand Peter sprach: herre meister, lug!
140	Sichstu nit das grosse vngefug, Die dem plinten thut das weip?
fol. 60v	Ich wolte gern, das sein leip Sehen solte den grossen mort. Vnser herr got sprach, sie funde wol ein antwort
145	Dannoch, ob es der man sehe an. Herre, wie wer das aber gethan? Sandt Peter sprach; das höret ich gern. Vnser herr sprach: wiltu sein nit enpern, So wil ich dich lassen sehen,
150	Wie die frawe wirt rehen. Den plinten er sehen ließ, Der warde gar ein starcker ryeß. Do er nun do uber sich sach, Gern möchte ir horen, wie er do sprach:
155	Secht ir, frawe hur, was habt ir Hewt gerochen hie an mir? Des mußt ir ewer beyder leben Hie vmb die lieb geben. Sand Peter sprach: herr meister, lug
160	Vnd went disen yngefug, Das diser mort nit geschee, Vnd heyß disen plinten nit gesehen! Die frawe antwortten began
fol. 61r	Auff dem pawm oben an.
165	Sie sprach: lieber man mein, Diese lieb muß dir ein puß sein, Das du nymmer werdest plint. Des helffe mir heut das himelische kint Vnd auch dartzu der schuler.
170	Der lernet mich dise mere, Das du wider hast dein augen. Des saltu dir also taugen, Das du nyderfallest auf dein knye, Vnd sag vns beyden gnade hye,
175	Dem guten schuler vnd auch mir, Vnd pit gote, das dein augen dir Pleiben, die du ytzunt hast. Ach, du thor, wie lanng du staßt! Er vil nyder auff seine knye
180	Vnd sprach: frawe, du lißt mich nye. Du hast mir gutlichen getan; Des sol ich dich genyßen lan Hewt vnd zu allen stunden, Das du so eben hast funden
185	Ein puß, das ich mein augen han.
fol. 61v	Darumb saltu herab gan Vnd auch dartzu der schuler. Dem sullen wir der mere Lonen hie an diser stat,
190	Daß er mir geholffen hat. Die frawe ging herab Vnd auch dartzu der schon knab. Der plint vil ym zu fussen Vnd sprach mit wortten sussen:
195	Gote in seinem reich Der dannck euch gnedigleich! Wir sullen in frewden leben Vnd sullen dem schuler geben Etzwas vmb sein arbeyt.
200	Das was der frawen nit leyt. Zcehen pfunt pfenning Die wuge er also gering Vnd pote sie dem schuler dar. Das nam Sandt Peter eben war.
205	Er sprach: Herr, sol ich dem plinden sagen, Ob er das weip icht wrolle slagen? Ja, Peter, das sey erlaubet dir!
fol. 62r	Zcu hant ging er zu ir Vnd sprach: got grus dich!
210	Es hat ubel gemuet mich Das, das du dem plinten hast gethan. Das wil ich yn wissen lan. Si sprach: lug, man, das ist der, Der nach mir ist geloffen here
215	Vnd mir wolte gewendet han Die puß, die ich dir habe gethan, Wan er sehe dich gern plint Darumb, das ich Im hette zu willen gedynt. Ich sag dirs sicher, es ist war.
220	Er treybs wol ein gantzes Jar Mit mir an; das soltu rechen Vnd dein messer durch yn stechen. Der plint sein messer außtzog. Sand Peter do faßt floch
225	Hin, do er seinen herren fant, Vnd claget ym die mere zu hant. Er sprach: Petre, du woltest anders nicht. Vil manchem mere also geschicht, Der do saget bose mere.
fol. 62v	Du warst aber also alber Vnd meynest nit, das dises weib Sich wol konte scheyb, Das sie iren man betörte. Wie eben auch der man das hörte,
235	Er sprach: herre, vnd hette ich gwalt Vnd solte ich halt nymmer werden alt, Ich gerech mich an diser bosen hawt, Das sie dorfft sprechen uberlaut, Ich were ir nachgestrichen.
240	Dartzu so sprach sie: stich yn! Das laß ich faren, herre got, Vnd rich mich an ir durch dein gepot! Neyn, peter! ich wil dir sagen, Dem sunder sol man vil vertragen.
245	Weystu nicht, das ich mein leben Fur den sunder habe gegeben? Dorumb so wil ich keynen lon. Ich wil sie yn meinem schirm han. Ee ich sie lyeß yn noten,
250	Ich lyeß mich ee noch eins toten. Wer do peichtet vnd berewet
fol. 63r	Vnd dartzu mir getrawet, Dem vergibe ich sein schulde Vnd laß yn erwerben mein hulde.
255	Also hot dise rede ein ennde. Gote sol vnns sein gnade sende. Amen. Zürich, Haus zur Mageren Magd, Minnegarten, Szene 5: Buhlschaft auf dem Baum. (um 1390, Foto: Baugeschichtliches Archiv der Stadt Zürich.)

<<< Übersicht <<< rückwärts

Die Buhlschaft auf dem Baume A

Münchner Handschrift

VON EINEM PLINTEN.

fol. 57r

Ich wil euch sagen, das ist war,

Es sein mere, dan zcehen Jar,

Das ich hort sagen mer,

Wie das es eynst were

5

Ein plinter, der hette ein schons weip,

Die was ym liep, als sein eygenn leip.

Sie was hubsch vnd wol gestalt

Vnd was dartzu auch nit sere alt.

fol. 57v

Fur war, were sie hette gesehen,

Der mußt mit mir die warheit iehen,

Das sie was hubsch vnd wol gemut.

Nun forchtet der selbige plint gut

Also sere, das icht ein ander man

15

Wurde zu seinem weybe gann.

Er gedacht yn seinem mute:

Ich wil sie haben an guter hute,

Das mir sie nyemant neme,

Vnd wil sie nemen yn einem zceine.

20

Zcu nacht, als er zu pette ging,

Ein eisene halffter er do fing

Vnd sloß ir beyde pein darein;

Domit solte sie besorget sein.

Am morgen frue, do anprach der tag,

25

(Nun mercket eben, was ich sag!)

Auß den panden er sie sloß.

Sein sorg die was gar groß,

Vnd gedacht yn seinem mute:

Ach, her gote, durch dein gute,

30

Wie ich verlure mein schones weip,

Das vberwundt nymmer mein leip.

fol. 58r

Er sprach: frawe, wir sullen gan,

Nit lenger wil ich hie bestan,

Wan wir mugen vns began

35

Hie nit so wol, als anderßwo.

Nun was ein schuler do,

Der yn der selben stat saß,

Dem die frawe von hertzen holt was.

Das ward dem plinten kunt gethan,

40

Darumb mußt sie von dannen gan.

Der schuler ging, do er den plinten fant.

Der furt oben an seiner hant

Sein mynnigliches frewelein.

Nun gedacht ym der schuler fein:

45

Ach, gote, mochte ich in meinem gemute

Gewenden mit der frawen gute!

Er neyget sich zu ir vnd sprach:

Mir ist leyt faßt dein vngemach.

Ein briefflein gabe er ir In dy hant,

50

Domit thet er ir gar bekannt

Seinen syn vnd auch seinen mut.

Das bedaucht dy schonen frawen gar gut.

Do sie gelaß das kleyne briefflein,

fol. 58v

Sie sprach: ach, lieber Meister mein,

55

Ich sich dort einen pawm stan;

Wir sullen werlich darunter gan,

Ob vns des obbs mochte werden.

Mich gelustte noch nye hie auff erden

Keyns dings nye also wol.

60

Er sprach: ich was nit, was ich sol

Noch mit dir begynnen,

Das ich es ware werde Innen,

Das es sey on alles gefere.