Das Liederbuch

Bl. 302v-303r (I, 60)

____________________________________________________________

Dein allain vnd nyemantz mer,

Die weil ich leb vff erden hie,

Vnd lasz nit ab, wie es ioch gee,

Mein můt kert sich von dir noch nye.

5

Des solt du freylich sicher sein,

Wann du kanst mir verschwenden pein,

In gantzen triuen so bin ich dein,

Kain ander gedencken gewan ich nye!

Des geleichen beger ich auch von dir,

10

Zart aller liebste frawe mein,

Nun halt dein triu in stätter gir.

Darumb so will ich aigen sein

Dein allain vor aller welt

In eytel gůt, ob dirs geuelt,

15

Vnd wirt auch anders nit gemelt,

Die weil ich leb vff erden hie.

Du bist von mir gentzlich gewert,

Was ich in dienst volpringen mag.

Wann es dein gůt an mich begert

20

Vnd mir wirt kunt der sälden tag,

Das ich in triuen sol sein berait

Ze dienst mit gantzer stättikait;

Mein hertz dirs wärlich nit versait,

Dein allain allwegen vnd ye!