Das Liederbuch

Bl. 304r (I, 63)

____________________________________________________________

Ich brüff gar dick,

Das sältzamm plick

Pringt friuntlich strick.

Wav lieb lieb on versehenlich an sicht,

5

Wee baiden hertzen da geschicht,

Das icht merck chain valscher wicht.

Des solt man pillich geüden,

Wann solicher lieben fräden

Chain fräd vff erd ward nye geleich.

10

Welcher gůt gesell

Fräd haben wöll

Vor vngefell,

Der schweig, wav er lieb sach ersäch,

Vff das ob Im icht gůtz beschäch,

15

Das nyemantz args da‹r›zů iech.

Gar pillich ich von dann entweich

Vnd gedenck, es möcht dir misseuallen,

Wurd yemant args darzů kallen.

Ach weipliches pild,

20

Beleib friunden milt,

Gen den sch‹e›lcken wild.

Wann anplick verraten dick liebe sach!

In fräden seüftz, in trauren lach,

Das chain schalck merck dein vngemach!

25

Selbander solt du beleibn,

Wilt du lieb sach treiben ‹[treiben]›!

So beleibt dein hertz in fräden reich.