BIBLIOTHECA AUGUSTANA

 

Clara Hätzlerin

um 1430 - 1476/77

 

 

Das Liederbuch

 

Bl. 315v-316r (I, 88)

 

____________________________________________________________

 

 

 

Nyemant den andern haben sol,

Als man In sicht mit augen an.

Ich sprich es für die wavrhait wol:

Manig gůt gestalt triugt weib vnd man!

5

Man vindt manig schön pild on gnad,

Der ablas vast vff vntriu statt.

Darumb sein lob gar schier zergat,

Kain pillgri‹n› sol In sůchen gan.

 

Wer sein triu gen Marckte trätt

10

Vnd holderplüd ye chauffen will,

Ob Im ain nessel widerfert,

Volg mir vnd chauff ir nit ze vil,

Sy sticht vnd prennt vsz grymmer art

Vnd macht dir plattern manigualt.

15

Find hinper kraut darüber pald,

So magst du wol genesen schon.

 

Der kletten ich nymmer leiden mag,

Er sůcht ain andre alltag;

Die Maulber hab ich schier verclagt,

20

Mein hertz ist Im worden gra‹n›.

Fliuch süsse wort vsz valschem grund,

Die speis mag nyemant wesen gesund,

Mir ist mein hertz gar tieff verwundt,

Darumb will ich gantz ainig stavn!