Das Liederbuch

Bl. 331r-331v (I, 111)

____________________________________________________________

Ich will mich fräen aine

Gen disem sumer zwavr,

Geselle mir gemaine,

Friuntschaft hab ich claine,

5

Ain frädenloses Jar!

So stand ich in der trüpffe

Vnd můsz springen lern;

Ob sy mich ye wolt schupffn,

So müst ich v:berhupffen,

10

Vnd tätt es doch nit ger‹e›n.

Was ich nit kan gewenden,

Der sorgen ich nit wil,

Ich will es schlahen von henndn,

Vnd got das lassen enden,

15

Verloren ist das spil.

Nun hab ich offt vernomen:

Wav wasser sey gewest,

Das müg wol widerkomen!

Mein hoffnung pringt mir frumen

20

Von erst bis vff das letst.

Vff hoffnung maniger setzet,

Sein trost ist manigerlay.

Was vns der wintter letzet,

Gar schier vus des ergetzet

25

Der edel süsse May.