bibliotheca Augustana

<<< Übersicht <<< rückwärts vorwärts >>>

BIBLIOTHECA AUGUSTANA

Minnereden

1300 - 1500

	Minnereden Quelle: Berliner Liederhandschrift mgf 922 (Berlin, Staatsbibliothek)
____________________________________________________________
	27. Der Minne Leben
[21vb]	Eyns kevielt daz ich sas heymelic uf eyn stat. ich dach, als ic plach tzo doene, umme die usyrwelte schone,
5	wie ich gern by ir weer. hy umb dacht ich dar und heer. alz ich suos saz in myn gepeins, so coomt zo mir unverseyns heymelic aldair gegaen
10	eyn joncfrouwe wail getaen. se sprach, do se mich yrsten sach: «god gebe dich heyl und gueten dach!» ich stont uff haestelike end spraek: «god van hemelryke,
15	dez willich daz ur loon sy:
[22ra]	was ir gebyet, daz saget mir.» sy lies glyten ir cleter, by mir ghine se sitzen neter, ze begonde zeer zo zuochtzen
20	end sprach: «of irs geplegen muochten, so solde ich uch gerne bitten daz ir mich wolte beduoden welich leben daz ze vuoeren de in rechter mynnen duoren.
25	des biddich daz ir mych bescheyden welich leben daz ze leyden. hy om byn ich zo dir komen, want ich hain wol virnomen daz ir wol raet konnet gheben
30	den ghenen die in mynnen leben. ich haen aen vechten groiß van mynnen, nochtan wil ich ir nicht beghynnen, ich enwiste ierst waz mynne sy. des biddich uch, bescheydet mir!» –
35	«joncfrow, ir holt mit mir ur spot. ich bid uch um den werten god daz ir mich der worte vertrage end mich dair af nicht meer ensage. ich behoefte viel bas
40	daz ich tachte om anderwaz daz mynre zielen beste were dan ich tachte om sulche mere.» die joncfrow antworte mir, mit zuoetzer tzalen sprach zy:
45	«soldich mit uoch halden spot? neyn ich, so helph mir got! ir moget mir wol gheben raet suonder enigherhande quaet.
[22rb]	ich weys das wail daz ich daz wande
50	suonder suonde ende sonder schande daz es uch erghent schaten muochte, daz ich es uch nemmer aen en sochte.» – «joncfrow, na den daz ir mich aen zynnet daz ir gern wistet van mynnen,
55	so ratich uch mit rechten rate daz ir ur hertze halt ghestate end vander mynnen keren. daz willich uch raten unde leren.» die joncfrow sprach: «nu sage mir
60	alre ierst waz mynne zy, so mach ich haben mynen kore, eer ich se aen gha, zo voren.» – «joncfrow, ich sage uch daz voir wair: der mynnen orten ist also zwair
65	daz keyn orten inder werelt ist de zwaere zy, des zyt gewis. vrou Venuos is de priorynne in dem clooster der rechter mynne. wee varen wil dair yn,
70	de moeß yr ondertanich syn. wilt ir der mynnen orten ontfaen, ich sage uch, sy ist also getaen, der mynnen orten ist also ghestalt: se machet dem jongen grys und alt,
75	se machet schone wangen dinne, wee volghet der rechter mynne. vrou Venuos orte ist also zwair, se enhaet gheyn probeljair; her moeß dair ewenclich in duoeren
80	we sy uf ir recht sal vuoeren. joncfrow, dez moget ir gherne horen ende aen sien uch wair zu voren:
[22va]	wildir vrow Venuos orten ontfaen, ir moget dair nicht weder uß gaen,
85	wild ir rechte mynne dregen. mer wildir lozer mynnen plegen, so moget ir in daz clooster nicht, in vrouo Venuos orte, des syt bericht.» der joncfrouo sloech daz hooft neter,
90	se sach heer, daer und weder, se sprach: «mich luoste wol daz ich horte de regel van vrou Venuos oerte. cond irse, als ir weerlich toet, ich bid uoch daz ir se mich macht vroet;
95	ich ween, ir vrouo Venuos vroeter zyt, al traget ir eyn ander abyt.» – «joncfrouo, ir sult daz sicher wesen, en hain ir regel nicht gelesen. ir suolt daz wissen nochtan
100	daz ich se al wol buoten kan, want ich habe eyn meysterynne, de ich boven allen vrouwen mynne. ich haen se liep und weert, van ir hain ich die regel keleert,
105	men enderf ir uoch leren nicht noch scriben, des syt bericht. van wanne de tzyt ist comen daz ir der orte haet aen genomen, alz ir ur hertze liep erkyesen,
110	so sold ir der mynnen meyster wesen.» de joncfrouo sprach mit zuetzer tzale: «vyl tzairter vruont, daz weys ich wale daz ich se dan wol leren solde, aber ich ghern wissen wolde,
115	eer ich die mynne solde bestaen
[22vb]	wie daz ze were getaen. so mocht ich deylen und kiesen of ich in mynnen wolde wesen.» – «Joncfrouo, nu hoirt, ich sal uch sagen.
120	ich plege aen myne hertze zo dragen tach und nacht zebenderhande uß ir maetsen zware bande. da mit byn ich so zere gebonden daz ich enmach zo gheynen stonden
125	vrolich ofte blide syn. se beroebet mich wysheit und zyn, se brenget mich zo sulcher noet daz mich viel besser were der toet. de seben bande syn becleben
130	in myn hertz und also verbleben das se nuommer uß enkommen. hoert, joncfrou, ich salse uch noemen. Der ierste vanden seben banden daz ist menich zweer verlangen
135	nach der lieber joncfrow myn, we ich by ir muochte syn. al myn syn und myn gedacht setz ich da na tach und nacht we ich by ir wesen muochte
140	suonder enich keruchte. da nach erlanget mich also zeer daz ich enruste nemmermer. wist ir wie myn hertze bricht als ich myn liep mach sprechen nicht
145	vrolich nach mynen wille, ir sweget der mynnen sicher stille. eer ir in suolchen doene weren, ir sold vyl lieber mynne vorzweren. alz ich myn hertz nicht mach uph luken
[23ra]	tzegen myn liep noch syns gebruychen, so enkan ich nicht genesen, ich enmoeß altzyt trobich wesen. der ierste bant heysset verlangen, da ich so sterch mit byn gevangen.
155	Nu hoirt, ich sal uoch toen verstaen wie der ander sy getaen. der ander bant twinget my, wan ic byn der joncfrow by. da ich dus af vyrduollet byn,
160	so verliese ich gair myn zyn end myn gelaes tzuo male alsoo das ich ir nouowe mach sprechen tzoe. daz toet al der mynnen kracht, die mich beroeft syn und macht.
165	also ontfenget mich van bynnen daz vuoer der creftiger mynnen daz mir daz zweys brecht uß, dast ober al myn leden vluyst. weert daz ich eyn wort betacht
170	daz ich der lieber seggen mocht, so sits ich daer by ir spele genosen, daz wir daz ummer laissen mosen. alz ich myn lieb zie voir mich zitzen und ich ir nicht enmach genießen
175	mit worte noch mit aen zien, so moeß ich liten groisse pyn; so sits ich als eyn arm man, de nicht zwygen noch spreken kan. joncfrouwe, daz ist der anter bant
180	die mich die mynne hait besant.
[23rb]	Der dridde bant der ist gheheyssen scheyden van lieben, daz soldir wißen. als ich van mynen liebe scheyde, so engheschach mir nye so leyde.
185	scheyden ist mich also zwaer daz ich daz wol sprechen dar daz keyn dinck inder werelt enist, des zyt sicher und gewis, daz keyn dinch zwairder wesen mach.
190	zuoeze vrouwe, o we, o wach, daz scheyden gheyt mich vyel zuo na! als ich vander werter gha, so lidich pyn, de ist so groiß daz ich altzyt irtenken moeß
195	mit groeßer smertzen also wie ich ir weter kome tzoe der gelyche in dem doone. als ich zy laiß myn liep, die schone, alz ich ghescheyden byn van ere,
200	in dem schyne, in dem ghebere so tuonct mich aen dem zynne myn wye sy altzyt vor mich schyn. joncfrouo, daz ist der dridde bant de mich de mynne haet besant.
205	Den vierden bant doen ich uch kont, der twinget mich aen myns hertzen gront. alz ich myn liep sie vor mich gaen, uoff straetzen of in kerken staen, und ich ir nicht mach aen gesien
210	van nyders und wroegers spien, so leget groeße pine aen my. ich stee of ich gebreytelt zy, en der daz hoebet keren nicht
[23va]	daert der nyden clepper sicht.
215	so groeß verdriet enleyt nye man, joncfrow, als ich doe dan. die ic mynne boven allen vrouwen, mocht ich sy sonder begryp aenschouwen, ich weys daz wol daz myn oughen
220	ir selden solden werden ontzogen. daz man saget, daz ist waer: waer daz liep ist, daer ist der ougen schaer. daz ist eyn waer gestal, daz merchet aen desen wol.
225	in iren finen aengesichte steyt mich daz hertze gedichte. enwere keyn wonder daz der oghen gherne nach dem hertze vloghe. joncfrow, dez mach nicht wesen,
230	en mach niet meer ghebruychen van desen dan eyn kortz aengesien ende eyn snel weder ontzien. mocht ich daz haben nochtan, mit vreden so weer ich eyn selich man.
235	dits de vierde bant, joncfrou, dair af ich toge mengen rouowe. Den vyften willich da by proeben: als mich die wroegers fel bedroeben mit irre velsscher achter spraeche,
240	so weer keyn wonder daz mir braeche daz hertze mitten ontzwey. daz after claffen toet mich we, nicht om minen wille alleyn mer om die werte die ich meyn,
[23vb]	daz sy dair mede werde betrabet. .............. joncfrow, kortzeliche gesaget, dits der bant die mich pleghet tzo dwingen so rechte zeer
250	daz ich lieber toet were, des moight ir mich gheloben wol, dan ich der felre wroeger schal horen ende lyten moet. got ghef ym zuoeren toet
255	die daz melden daz zy horen, und gerechte mynne storen! Die zeste bant haet mich bevaen: als ich mit anxte altoes moeß gaen tzo der joncfrow der ich mynne,
260	so lyt ich menghe zware pyn, dicke zucht ich und zweyße, ich lyte colde und heysse van anxte daz mir die wroeger zîen. nu moes ich staen, dan moes ich vlien.
265	ich ghee viel mengen omganc. ghinc ich tzo recht, der wech weer nicht lanc, joncfrou, wan daz dan geschiet daz mich die wroegers fel besiet, so wold ich wol daz ich stonde
270	tzo midden in des meers gronde, uph daz ich dair nicht enwere van anxte und van groeßen zwere. Der sevender bant volget hier neyst, der mich twinget alre meyst.
275	vanden zevenden bande, joncfrouwe, lyt ich mere end zweren rouwe wan ich van allen den andren doe. her brenget mich menghe pine tzoe und alzo zwaer verdriez.
[24ra]	joncfrow, dese bant die heyst anxt voir der joncfrow myn, das sy ir syn van mir sold tsien und eynen andren erkyesen. joncfrow, des sold ir sicher wesen
285	daz nye mynne waz so stete, dair enwaert altoez anxt mede. so wer gerechte mynne leyden, da ist anxt tzuschen ym beyden also sterck und also groot
290	daz her menich komt tzo doet. daz al der meyster weren hier der sint bynnen Muompelier end inder scolen van Parys, so enkuonden zy in gheenre wys
295	vol lesen noch vol scryven mogen wes gerechte mynres dogen van anxte in irs hertzen gront. daz enmach uch nicht werten kont eer ir die mynne haet bestaen.
300	dan verneemt ir daz zuonder waen: wie mere liep ende trouwe, wie mere anxt unde rouwe. joncfrou, nu haen ich uoch gesaget wie men gerechte mynne draget
305	und waz leben daz er haet. nu moget ir haben ur beraet, ir moget teylen unde kiesen of ir in mynnen willet wesen. oich suld ir, joncfrow, wissen:
310	in ders uch raten noch heyssen; daz mynnen leben ist zo zwaer daz ich uoch ter mynnen niet raten dar.»
[24rb]	Der joncfrouo sprach so togentlych: «nu segen mich got van hemelrych!
315	ist so zwaer der bant van mynnen, des wondert mich in mynen zynnen, der aldussulch leben vueren, daz se da ynne mogen dueren. ich bid uoch vruntlich dat ir is
320	mich machen vroet und wys.» – «joncfrow, des willich uch wys machen. daz ist umb tzwyer hande sachen daz sy dez nicht gelaessen kuonnen, sy enmoeßen in hertzen mynnen.
325	der ierste sache ist rechte truowe. nu proebet end mercht, joncfrou: wie mach ich myn lyeb begeben, de ich mynne voir al die leben? voir die joncfrow die ich mynne,
330	koer ich nicht die keyserynne noch conincynne van Engelant. so mere trouwe, so stercher bant. trouwe enleet mynne nicht scheyden, we zwaer leben daz se leyden.
335	der ander sache ist hoffe groes we noch soele al myne noot werden verwonnen und myns liebes gebruychen, mit blanchen armen umme luyken. als ich noch hoffe komen tzo dien,
340	so moes al sorge van mir vlien. cortzeliche gesaget, joncfrouwe, dese twe sachen, hophe und trouwe, der enlaessen mich myn liep nicht laeßen, al muocht mich tuosent merch bazet.
345	joncfrouo, nu wyst ir wol waz daz doet daz man mit pinen mynnen moet. nu geeft mir orlof, ich moeß gaen.
[24va]	daz ich hie sitze, daz ist mistaen, ich solde myn getzyde lesen
350	und in gebete wesen.» Doen sprach die joncfrouo wol getaen: «ir moight noch nicht van mir gaen, ik bidde ju dat gy k[orte]n beyden ir moiget sus nicht van mir scheyden;
355	ich bid uch dazir mich willen zagen van dinck die ich uch noch moeß vragen: die getruwelic mynnet, wa by daz man sy kennet?» – «ich sage uch, vrouwe goedertieren,
360	men sal in drierhante manieren al gerechte mynne dragen; ich maches uch wys nach uwen vragen. tzo dem iersten mael suldir urlief altzyt mynnen sonder blyf
365	und gestedencliche mynnen, nach dem daz ir die regel beghinnen. ir en sult ur lief nicht laessen ............. al queme uch yemant te voren
370	der scoonre weer und baz geboren wan ur lieb, ir sult nochtien ur hertze dem ghenen nicht ontsien der ur hertze tzu voren erkoren haet. der mynne ist looß und quaet
375	der huoten mynnen den eenen und morgen den andren meenen. ich sage uch daz by mynre trouwe: ich weys noch leben eyne vrouwe, vor ir so wold ich kiesen nicht
380	eyn vrouwe die al die scoonheyt tricht und al die rycheit hedde alleyn die al die werelt haet gemeyn.»
[24vb]	doe antworte die joncfrow fyn: «of daz kevyel, als mach geschien,
385	daz ich mit steten sinne eynen koer nach mynen gewinne die mynre minnen nicht enwolde, ich vrage eyns ortels of ich solde mich aen hem halden nochteen
390	dan ich van ym solde vleen. was da rechtes umme sy, des, biddich, bescheydet mi.» – «joncfrow, daz ortel willich telen sonder beraet und suonder helen.
395	ir moight merchen gewesse by eynre gelykenisse: bode ich eynre vrouwe myn ghyfte der se versmaedde und wolde nicht, ich sage uch daz ich daz cleynoet
400	mit eeren wol behalden moet. mer weert also daz se ez entfinge end dan weter by ir ghinge und van ir weter name, uof myn eyt, daz wer misschaem.
405	daz mach, joncfrouo, in desen eyn gelychenisse wesen. ich haen gegeben mynre joncfrouwe myn lyp, myn hertz in goeter trouwe. wort ich gewaer daz se mich loghe
410	und ir hertz van mir tzoge, ich solde ir daz myne weder ontzien. al sold ich sterben van dien. dez mocht ich nochtan sicher wesen daz ich dez nemmer sold genesen.
415	al sold ich dar umb sterben, se sold mynre vruntscaph terben! Tzo dem andren male men bekennet:
[25ra]	wer getruwelich mynnet, men mach oich merchen aen deen
420	daz her sal scouwen und vlien die felle wroeger, die bose wicht, de daz al meldet daz her sicht, uff daz her nicht enbrochte syn liep in scande noch in geruchte.
425	mer weert daz es gheviel also daz her ir komen muochte tzoe heymelichen, daz es keyn man sage, so radich ym daz her daz wage und kome tzuo ir uof der stat
430	de se ym tzoe haet gesat. was her dan van ir mach gewinnen van den spele der rechter mynnen, daz mach he vrylich aldaer untphaen und nemen sonder vaer.
435	et syn vele lieden nochtien der ym der nyter cleyn ontsien. wie sy virkrygen iren wille, ze enrochten weer tsy luote of stille. uf minen eyt, daz ist valsche mynne,
440	recht zam mir tuonket aen myne synne. Tzo dem dritten und ten lesten: der in gerechte mynne resten, se ensullen ir liep mynnen nicht om goet, om etelheyt, dez syt bericht.
445	want men tzo seggen pleget: wer alsulche mynne treget, is her man odir wyp, her mynt daz goet und nicht daz lyp. joncfrou, aen desen drien manieren
450	soelen sy ir hertze keeren de mynnen willen mit rechter trouwe,
[25rb]	is her man of oich vrouwe. vrouwe, wilt ir mich anders yt, dez muoest ir beyten zuor ander tyt,
455	ich haen zu doen, ich moes gaen.» Doe sprach die joncfrou wol getaen: «ich bitte uch duorch alle vrouwen ere, beyt noch eyn cortze tzyt, lieber here, daz ich myn hertz kegen uch mach entluochen.
460	ich moes duorch uwen wille zuochten untfangen aen mynen lybe, da ich sicher toet aen blybe, tensy daz ir mir geben raet. ir synt de der mich gefangen haet,
465	gewondet mit der mynnen spere. ich engenese nemmermere tensy daz ir mich geben troost, mit uwen troost byn ich irloest.» – «help, joncfrow, waz saget ir nu?
470	daz willich weter raten u. daz ir mynnet, daz ist virloren. ich haen eyn joncfrouo irkoren, der ich nemmer enbegebe al die wyle daz ich lebe,
475	also lange alz ich van ir troestes werde gewaer tzoe mir. mit cortten worten willich seggen: alles daz ir aen mir leggen, daz virlieset ir tzo male
480	(dez moget ir mich geloeben wale!), also lange als se lebet de mich dus gebonden hebbet.» doe die joncfrow dese wort van mir hette irhoert,
485	se mishielt hair also sere,
[25va]	se liet als se onsinnich were, se erscrach und wranc hair hande, se sprach: «daz ich uoch ye irkande, des kan ich nemmer verwynnen!
490	um uwen wille moes ich ontsynnen, tensy daz ir mir troostet baz dan duo noch getaen haest.» – «werte joncfrouo, ich haen uch bericht, ir enmoget aen mir haben nicht
495	so lange als ich keyn ontrouowe envynde aen mynre vrouwe. mer by gode, onsen heere, mich jammert uower so zeere daz ir sulchen rouwe haet getreben.
500	het ich myn hertze nicht irgheben eynen andren, ich solde uoch tyenen altoes mit gerechter mynnen.» der joncfrouo sprach: «ich bid uoch dys daz ir mich loben und machen wys,
505	of ich erlebe ur lieb, ur vrouwe, der ir sint so rechte trouwe, daz ir uof mir willen denchen und van dynre guetlicheyt schenchen uower lieplicher mynnen
510	und kiesen mir tzo dynre vruondinnen.» – «joncfrouwe, weest blite und vro, da moget ir uoch verlasen tzo. by rechter mynnen, of ich daz lebe daz mir myn lieb, myn vrouowe begebe,
515	ir soltet inder hertzen myn boven alle die leben beslossen syn!» der joncfrouo sprach: «mir genoeget wael.» se stont uoff mit deser tzael, se sprach tzo mir vruontliche:
520	«ich bevele uoch got van hemelryche
[25vb]	ende Marien, synre moeter. Sinte Jannes sy ur behoeter, daz ir nemmer moeßen sterben ir enmoeßen gotes huolte werben.»
525	se ghinch van mir und weynte. Her mete heeft des reten eynte. ich haen gemachet die gedicht uoff daz die ghene zyn bericht de sich tzuo der mynnen keren.
530	her ynne mogen se merchen und leren, welcher hande daz se leben de sich tzuo rechter mynnen gheben. wisten sy wie zwaer daz ist der mynnen leben, dez zyt gewis,
535	se solten ym ouoch wael beraten eer sy in daz leben traten. mich wondert daz enich man die mynne loeft so vrilich an, de daz herde cleyne weys
540	wie menich zwaer und groeß verdries men om die mynne dogen moet, daz ym viel besser were der toot. hy umme haen ich tzoe gader gescreben und gedicht der mynnen leben,
545	um daz ym daer voer ontvruochten, eer se daz mynnen leben besuochten. Nota bene Nota.

<<< Übersicht <<< rückwärts vorwärts >>>

Minnereden

Quelle:

Berliner Liederhandschrift mgf 922

(Berlin, Staatsbibliothek)

Der Minne Leben

[21vb]

Eyns kevielt daz ich sas

heymelic uf eyn stat.

ich dach, als ic plach tzo doene,

umme die usyrwelte schone,

5

wie ich gern by ir weer.

hy umb dacht ich dar und heer.

alz ich suos saz in myn gepeins,

so coomt zo mir unverseyns

heymelic aldair gegaen

10

eyn joncfrouwe wail getaen.

se sprach, do se mich yrsten sach:

«god gebe dich heyl und gueten dach!»

ich stont uff haestelike

end spraek: «god van hemelryke,

15

dez willich daz ur loon sy:

[22ra]

was ir gebyet, daz saget mir.»

sy lies glyten ir cleter,

by mir ghine se sitzen neter,

ze begonde zeer zo zuochtzen

20

end sprach: «of irs geplegen muochten,

so solde ich uch gerne bitten

daz ir mich wolte beduoden

welich leben daz ze vuoeren

de in rechter mynnen duoren.

25

des biddich daz ir mych bescheyden

welich leben daz ze leyden.

hy om byn ich zo dir komen,

want ich hain wol virnomen

daz ir wol raet konnet gheben

30

den ghenen die in mynnen leben.

ich haen aen vechten groiß van mynnen,

nochtan wil ich ir nicht beghynnen,

ich enwiste ierst waz mynne sy.

des biddich uch, bescheydet mir!» –

35

«joncfrow, ir holt mit mir ur spot.

ich bid uch um den werten god

daz ir mich der worte vertrage

end mich dair af nicht meer ensage.

ich behoefte viel bas

40

daz ich tachte om anderwaz

daz mynre zielen beste were

dan ich tachte om sulche mere.»

die joncfrow antworte mir,

mit zuoetzer tzalen sprach zy:

45

«soldich mit uoch halden spot?

neyn ich, so helph mir got!

ir moget mir wol gheben raet

suonder enigherhande quaet.

[22rb]

ich weys das wail daz ich daz wande

50

suonder suonde ende sonder schande

daz es uch erghent schaten muochte,

daz ich es uch nemmer aen en sochte.» –

«joncfrow, na den daz ir mich aen zynnet

daz ir gern wistet van mynnen,

55

so ratich uch mit rechten rate

daz ir ur hertze halt ghestate

end vander mynnen keren.

daz willich uch raten unde leren.»

die joncfrow sprach: «nu sage mir

60

alre ierst waz mynne zy,