Minnereden

Quelle:

Berliner Liederhandschrift mgf 922

(Berlin, Staatsbibliothek)

____________________________________________________________

31.

Die Schule der Ehre

[42ra]

Ich solde zu einen czyden

om myn geschefte ryden.

myn wech mich druch durch einen walt,

der was nach vreuden wol gestalt.

5

do quam ich in des waldes ort,

voir mer sach ich sitczen dort

an eines flosses clingen

ein wip, zu rechten dingen

gesceppet und gevoirmieret gar.

10

ich nam ir vlysselichen war.

die dochte mich scone syn gewesen,

sy hatte der jaer an sich gelesen,

sy hatte die jogent over strebet

und hatte me dan halp gelebet,

15

doch scones alder an ir schein.

van onderscheit onmaessen rein

duchte mich alles ir gelaesse,

gepuret wol zu guder maesse.

ich erbeizte balde zu ir

20

und groeste si na myns hertzen gir;

si endanckete mer noch enneich.

do sy jemerlich stille sweich,

ich sach ir onder die ougen gar,

die stoenden ir virstaret gar.

25

des waert besweret mer der moet.

[42vb]

«wez tzyget ir mer, vrouo goet,

das ir uwen has keret an mich

also gaer ongenedenclich?

wan uch noch keime wibe wert

30

wart nie has van mer bescheirt.»

si gab mer is keine wederrede,

ir ougen stoenden noch zu stede.

do viel mer in das hertze das:

sy dencket lichte etzwas

35

an das sy zu schaffen hait,

in arge wi is nit enlait.

ich wil si machen mondir,

lichte saget si mer das wondir

das ir die synne hait ververet

40

und ir sos sien und sprechen werit.

ich suchten ir wiessen hende tzairt

so sere das sy erveret wairt.

erschreckentlich si sprach zu mer:

«nu sagent an, vront, wat wollent ir?

45

ir hait myn bedencken mer benomen,

das ist mer seir zu onstaden komen.»

ich antwoirde ir der rede do:

«ich wiste gerne, vrouwe, wo

und wair ir die synne hattet gewant

50

doe ich uch dus dencken vant?»

Sy sprach: «ich wils dirs san.

[43ra]

sitze her bie mich, soe gryf ich iz an.

ich achte is wol an dryssich jaer

das ich machte sonder vair

55

ein scule met myner konst.

dar of soe kerte ich monst

met hertz und mit gerender gir,

wer drin queme zu leren mir,

wie ich den brechte in eren scuol

60

und ruckete den uz der schanden puol.

inder zyt das dat geschach,

mine schole sus voirsich brach,

met konstelicher lere

suchte man sy harde sere.

65

doe wart die erbeit mer zu groz.

die menige der lude mer verdroz,

ich insnuorte mich ir aller gar

bis oft xij, der nam ich war.

soe ich beste konde,

70

was ich den zu alre stunde

nacht und dach met lere by.

ir hertze ergroib ich als ein bly;

wo ich iet boses da in vant,

das etzete ich us, das is verswant.

75

ich lerte sy haben ritters moet

und suchen werdin eren vloet,

[43rb]

da in ligent sy beslossen.

miner lere hant si genossen

in werdeclichem rume,

80

das man sprichet blume

sy ir obir aller ritterschaft.

met mancher doegent adelhaft

han ich si geczieret,

.........

85

da rume ich mich nit mede.

sy hant wal alle die besten sede

die ritter ie gewonnen.

als nebil vluget inder sonnen

und drucket in die erden,

90

sus druckent auch die werden

alles das ere swendet.

ir schif haet gelendet

bi ritter manheit in ir lant.

ey wie dicke hait ir hant

95

die swerde gedeuffet in bludez bade!

is enwert nommer man ir gade

an wercken noch an deden.

met of stigeden greden

stigent sy in eren tron,

100

si sint comen over den hon,

soe das sy nie wonnen daz

si schuweten alder werlit has.

ir loep were nit zu grunden

[43va]

met hondert dusent monden

105

die daer ober seissen ein langez jair.

das saltu wissen gantz verwair:

sie seden nit ir eines dat

die er met er begangen hat.

ich enkan nit me da van gesagen.

110

du weist das vlien und das jagen

das si mit alle der wonsche nu sint.

ich czoich si als myn kint.» –

«Vrouwe, hait ir us gesaget,

soe wisset verwair daz mer behaget

115

das ir die gebluomite schair

mer onderscheyt met woirter gair

ir iclichen besonder,

der lop recht als ein zonder

met hogen eren ist ontbrant.»

120

si sprach: «ich nennen der si zu hant.

van Hollant greve Wilhelm,

des eren stubet als der melm

in allen landen die kristen sint.

nu wil ich dir an onderbind

125

nennen van Sairbrucken

...........

nye dorste bie den besten,

in oist, suden, nort, westen

er quam nie da er worde versmaht.

130

der hait syn alder dae her bracht

das er mit beweirder dait

[43vb]

geryffet lop zu sniden hait

und hait is mit eren af gesneden.

des hait der lyp vil noede geleden.

135

uber nu aller eren hoirt:

der virne greve van Monfoirt,

Willem man en nennet.

den ere hait gelemmet

und leret vant in irme seile;

140

syn loep droge er noede veile.

den ich zu schole erkois,

der ist alles wandels blois:

der greve van Nidahe heisset er.

auch ist dicke geczigen er

145

das er stele, das ist wair.

er leit den wiben sonder vair

sin noch hercz, er stelet is gair.

des wert noch menich gut wip gewair

die er machte der synnen wain.

150

der fumfte heisset greve Johan,

van Spaenhein man in heisset.

des loep hait ommecreisset

maniche mile an alle gevere

hie disset lants und heinset mere.

155

abir wil ich nennen dir

des hertze ie leit quale, geleube mer,

noch ritterlichem pryse.

gecronet met eren ryse

hat in menlich ellen,

[44ra]

er fuget wol zu gesellen

disser hoger eren schair.

sinen name ich der ontbloissen dar:

her Heinrich van Fleckenstein.

syn hertz steit in rechter mein,

165

da van det er nie den wich.

her Coinrait van Lossenich

der was auch ir einer.

des loeb ist vere reiner

dan ich is geroemen konne.

170

er ist der wibe wonne

und get met vreuden richen krantze

gecieret an eren dantcze.

nu wol mich das ich meinen sal

einen der den eren dal

175

gevullet hait met werde.

er ist nach myner gerde

ein ritter woirden uz erwilt,

der mynnen knecht und wapen hilt.

ich meinen van Landes croene

180

Geirhairt, des got schoene

und friste dich zu zyden.

inpongeißen und striden

hait dyn hant geobet

und haist is auch noch overlobet

185

woe du vondest zu vechten.

nu nennen ich dir den echten,

[44rb]

des name dringet in wibes or

als Adams galm dorch pifin ror:

Conrat van Ezsche heisset er.

190

er ist gut, des bin ich wer,

in myner scoele woirden.

em stat so wol der orden

der werden ritterscheffte

das ich is myt myner crefte

195

konde nommer dir gesain.

man heisset en wol ein menlich man.

der ritterscefte doctrinael

den lerte ich en so das er leit quael

der ritter usherwelte guot.

200

so menlichen hoen muot

gefriesch ich nie in mannes brost;

er ist myner ougen lost.

ach konde ich dirn zu flisse geloben!

Geirhairt van Aldinhoven

205

er heisset, der dogenden nie vergas.

man nennet en auch, wisse das,

her Geirhairt met dem bairte.

er heldit wider parte

gein allem dem das obil staet.

210

noch einer auch gelendet haet

in myner scole menchen dach,

den ich met eren nennen mach

ein ritter vandem graele.

me dan zu czwenchych male

[44va]

hait hi die viande bracht in noet.

van solichem libe is nie geboet

kein ritter sinen finden wirs;

is ist wair, geleube myrs.

van Biegin mynhere her Geirhairt,

220

gein scanden was er ie geschairt.

ich hain der elffe nu genant,

der tzwelfte wert dir auch bekant

van mynes mondes stymme.

gelutert als ein gymme

225

ist sin reines hertze gut.

ein arcke voir onstede flut

ist van Brisseche her Otte,

der manche geblumete rotte

hat zurant mit siner krefte.

230

ritters moet ist soe edilhefte

in sines hertzen cluse

und wonit da in met huse.»

Sy sprach: «ich hain sy al genant.

sage an, sint si dir iet bekant?»

235

ich sprach: «vrou, van hertzen wol

ich si alle erkennen sal.

mer ist liep das ich nu weis

das er mit flisse si in den creis

der eren hait gestellet.

240

ir keiner nie gevellet

[44vb]

wart van eren trone.

des hant sy uch zu lone

lop obir aller ritter gar.»

die vrou sprach: «nu nym auch war:

245

die ere haint si onvergebin,

sy haint gehait pynlich lebin

in myner scole manchen dach.

wer ye zu leren mer gelach,

der mochte e werden davan gris

250

dan vander scole van Parys,

Balonien, Aberne, Mompelier

noch inden anderen scolen vier:

Medeborg, Orlens, Halberstat,

wer er zu Erffoirt auch gesat.

255

der scole erlede er alles bas

dan myne. auch wisse das:

ich hain si geleret alsus

das si dien besten gramaticus

sint van ritterschefte dat

260

die der hemel bedecket hat.

nu si konnent alle konst,

nu doncket mich dat in myn monst

gut das si die scole begebin

und nach irs selbes synne lebin.

265

auch tredent mer die jare hertzuo

das ich nu selve gerne ruo;

[45ra]

die scole wil ich laissen vergaen.

also ich is besonnen haen

do du mich dencken fuonde

270

soe dief in hertzen gruonde.»

Ich sprach: «vrouwe, sulde ich raden

an uwer hulde genaden,

ich enrede uch of kein vergaen.

wolt ir mich zu rade haen,

275

ich wulde uch raden michel bas.

sprech ich zu vil, dez habet nit has

gein mer, reine frauwe guot.

ir mochtet node han geruot

do ir sy lerdet uwer letzen,

280

das nommer man genetzen

darf of uwer scolere,

sy sint soe gar gewere.

der om soe hebet die scoele weder an,

nit bas ich uch geraden kan,

285

und kieset dair in zu lere

die gerne hetten ere.

vil ritter end heren ich nu weis

die gerne weren in eren kreis

getreden us den schanden;

290

der ist genoich inden landen.»

sy sprach: «nu rad du selber mir

wie das nu drobir sitzin wir

und werden hi zu rade,

das wir enden drade,

[45rb]

oft ich die scole voirwert halde,

und wes ich dar in zu leren walde,

und wer zu myner scole voge,

des muot zu rittersceffte hoge.

anders enwil ich niemans wairten,

300

dan den wil ich fruntlichen zarten,

als die mudir ir einich kint

dut, die hoe zu erbin sint.

nu die nod die lan wer syn

und hebens dar wirs liessen lyn.

305

nu raet of alle bescheidenheit,

widder dorch liep noch dorch leit,

wen ich zu scole setcze,

der mich der eirste ergetze.» –

«vrouwe, sint ich dan sagen sol,

310

so vochte ich das ir nommer wol

der zwelffer ergetzet werdit

dan wer is dor irs begerdit.

wer muosten das neste nu gryffen an.

man vindet inder jogent menchen man

315

der sich syn onderwuende.

das profrys bluoen da beguonde

das nu indie erde salbit

und an lere lt gt vaelwit.»

sy sprach: «of wen haistu gedacht

320

den wer us der scanden acht

rucken in dese scole?

das sage du, so duoystu wole!» –

«Frauwe, ich nennen uch hie end da.

wer uch dan zu leren versma,

325

den sullet ir widder werffen us;

[45va]

man enhat der bosen kein genos.

frauwe, abe is uch duncket guot,

so weis ich einen der ritters muot

hat krechtelich in siner jogent,

330

auch hat he menche ander dogent;

in guder geselsceffte,

dar ist er in mit krefte.

ich moes voirwert van emen jehin:

in siner jogent hat er besehin

335

die lant vil wyd her und dar,

des sullet ir wol werden gewar

van anderen luden dan van mir.

ich weis wol, ondernemet ir

uch sin, ir woirde den gelich

340

des man nit versehe sich.»

sy sprach onverwolgen:

«und wolde er mer dan volgen,

er moeste ere erwerben,

und sulde wir is beide sterben.

345

wise mer die krie sin

und wie sin name mit worten schin!» –

«vrauwe, ich meinen den heren myn,

ein palantz greve bie den Ryn

und hertzoge zu Beier lant;

350

auch ist er Ruepprecht genant.»

si sprach: «ich wil en drin ontphaen,

wie mirs joch solle met hem ergaen.

nu raet, wen sullen wir kiesen me,

des moet bie eren auch beste?» –

355

«fraue, daz doin ich, abe ich kan.

[45vb]

ir sullent abir selbir an

dencken wer uch fugete,

und an wem uch wol genuogete.»

sy sprach: «sage auch duo,

360

wan sagen komit an dich nuo.» –

«ich weis einen, des duncket mich

das er woirde an konsten rich,

wan man en leren begonde

und sich syn onderwonde.

365

er hait hairten, guden begin

und da by ritterlichen sin,

das weis man zu sagen wol

alda man is dich bescheiden sol.

do erwarp syn menliche hant

370

das er ein ritter ist genant.

van danne voir er oever mer,

auch hait er menche gude wer

zu Nederlant also gedaen

das er wol zu scole mach gain.

375

ich wil dir nennen sinen namen,

des er sich nie endorfte scamen:

greve Adolf vander Marcke.» –

«den wil ich in die arcke

miner scolen sencken.

380

wes wullen wir gedencken

der ons zu leren eben komme

und der ritterschefte fromme?» –

«frauwe, ich weis einen jongen,

der ist alre eirst ontsprongen.

385

gedorst ich zu dem raden,

[46ra]

das er sich nit verspaden

wulde an siner lere,

ich riet u zu eme sere.

wil hi der jaer nit hat zu vil,

390

so weis ich was druis werden wil.

er hait ommer edelen sin,

ich hoff ir brenget en an das begin.

die gesellen haint en alzu wert,

dar om myn hertz das begert

395

das ir uch sin wolt nemen an.

van Katzenelenbogen greve Johan

ich meinen, vrou, habet uch die kor.»

sy sprach: «ob ich myn lere verlor,

das wil ich met eme wagen.

400

ich wil met lere eme lagen

und also strengeclichen settzen zuo

das er sal haben selden ruo.

weistu keinen heren me?» –

«frauwe, mer ist nach eyme we:

405

das wene ich das er woirde guot,

ob ir en hettent in uwer muot.

wolt ir en zu scole brengen,

ir mueesset en wenich twingen,

want ir ist ein wenich zu wilde.

410

doch wert er onder schilde

gut ritter, des ich hoffe.

menlich muot ich proffe

of sin getroistes ellen,

des jehent hem die gesellen.

415

wolt ir den meisternn of sin pant,

[46rb]

ich antworten en in uwer hant

und sagen uch sinen namen zart.

van Westerborch her Rein hart

alsus syn name ist genant

420

al om wo er ist bekant.»

si sprach: «nu das sy der.

einen anderen mussen wir abir her

twingen met myner ruode.

den gebe mer got zu güde,

425

wan ich gryffen an hertzes spil.

ob er sich twingen laissen wil,

des enweis ich keine sicherheit.

si sagent, em sy ondogent leit,

dar of wil ich is wagen.» –

430

«gedorste ich uch, vrauwe, vragen

wie er heisse und wie er si?»

des antwerte mer die wandels vri,

sy sprach: «is ist her Beizel.

noch harter dan kein meizel

435

sleit syn hant dorch vindes her,

dar weder konnent si keine wer.» –

«frauwe, der behaget mer wol,

met vlisse ich of den raden sal.

ich hof, ir sollet an eme hertzien

440

das man uch lobis dar om muos jheen,

want er ist willich zu der vairt.

in uwer scole en so bewairt

das er iet widder lerne,

das freisch ich van eme gerne.

445

die scole meisterynne

sprach dar nae mit synne:

[46va]

«noch mossen wer ritter haben me

die wer leren onser e

und die regel der ritterschaft.

450

of einen bin ich auch verhaft,

das lostet mich wol das ich en zoge

und en lerte nae myner moge

den Donaet und den Kato.

ich enkan nommer werden vro,

455

er wulle mer dan gehoirsam syn.

er ist mer als die sele myn.»

ich sprach: «vrauwe, wer ist der?

ich brengen en uch zu lere her;

er si dan nit of erden,

460

er moes uwer scoler werden.» –

«ich nennen en dir», sprach si,

«und das kuontlich hi:

van Wachenheim her Johan,

des nemen ich mich zu leren an.»

465

ich sprach: «vrou, der ist gut.

noch weis ich zwene die ritters muot.

hant; wolde uch das behan,

ich wulde sy in uwer scola lan,

ir sult ir wol bedaubin.

470

sal man falen perden gelaubin,

so truwe ich das si werden guot.

si hant bis her gehabit muot

zu hoer ritterschefte,

die obint si met krefte.

475

ir muot zu guodin dingen keret,

si hant auch ein wenich geleret,

si sint gut an zu brengen.» –

[46vb]

«wil mer mit en gelingen,»

sprach si, «ich lere si was ich kan;

480

und nemen mer ir namen an!» –

«das doen ich, werde frauwe her.

van Bassinheim her Rudiger

das ist der den ich meine.

Johan vandem Steine,

485

frauwe, das ist der andir.»

si sprach zu mer: «ich san dir

das ich keinen kennen,

ich han si horen nennen;

dan ich wage is of dich.» –

490

«ir moget, vrou, koinlich.

hetten wer noch vier so si sint,

is woirden gude schole kint.»

die vrouwe sprach: «mer ist gedacht

eines der auch onversmacht

495

in myner scholen werden mag.

an em verloren wert nommer slag

dan der of die erde commet.

werde er myner scole entpfrummit,

dar an geschege mer leide.

500

ich wil met arbeide

em meisterin und zwingen,

das er myn liet moes singen.

weistu wen ich meine?»

des antwerte ich der reine:

505

«nein, ir bescheit is mich dan.»

si sprach: «verstant das ich dir san:

her Orte van Wingarten,

[47ra]

wil der der scole wairten,

so machstu eme wol van mer san,

510

min liden endorste er nommer clan.

mine scole hat selden ruo;

nacht und dach, spade und vruo

moessent si in erbeide wesen

und ir lectze over lesen.

515

duncket dich gut und redes duoz,

so wulden wer nit laissen uoz

einen ritter den ich weis.

ich han gesien das eme gar heis

was of ritters orden.

520

wie er nu si worden,

des enweis ich nit bis ich hervaer.

erkunde meisterlichen gaer

das abc und dat eirste blat.

er reit dar na an menche stat.

525

bit das er iz gelerte.

sinen sin er dar of kerte

wie er herfure manich lant

da er gude schole vant.

nu hore ich saen, er weder lere,

530

dar om begerte ich sere

das er in myne scole queme

und den Donatum vor sich neme.

weistu, geselle, wer her ist?

ich nennen dirn zu deser vrist:

535

Gylbrecht Lewe van Steinvoirt.»

des gab ich ein antwoirt:

«ja, vrou, der kommet ons recht.

[47rb]

er ist gut ritter und was gut knecht,

und wert noch besser und fruom

540

ob er in uwer scole kuom.» –

«nu dair, wer duorffen auch ritter me

den wer auch doin met lere we.» –

«vrou, so weis ich einen

der ritterschaft kan meynen

545

lt gt da er van kindes jogint.

auch hait er ein sonder dogint:

sint er sin leben ie angefieng,

das er nye undaet begieng,

das han ich van eme horen jen.

550

den sullet ir in uwer schole sien.»

sy sprach: «lieber frunt vil zart,

wer ist der sich nie misse wart?»

ich sprach: «vrauwe, den nennen ich:

van Cramporg her Heinrich

555

heisset der geselle wert.

ob ir sin in uwer schole gert,

so rade ich flyslich zu ym.

ach liebe vrau, den zu der nym.

hetten wer noch einen, so voren wer wole,

560

so wer erfullet uwer schole.»

die vrauwe sprach: «ich dencken of einen,

wolde der mich mit truwen meinen,

ich kore en zu ingesinde,

ob ich das an eme vonde

565

das sine synne of lere steet

und gerne zu der schole geet.

ich wil en leren was ich kan,

met myme rade em ligen an,

[47va]

das ich en brecht zu eren voirt.

570

des haet er itzunt auch ein woirt,

er sy willich zu ryden.

ich wil zu desen zyden

en nemen sonder heling,

iz ist der gude her Herbort Ring.

575

Met dem ist ervullet die scaer.

wir han ir aller genomen waer

wy wer sie leren also lebin

und en ir leczen soe voirt gebin

das wer iet werden zu spotte

580

mit dirre jongen rotte.

wan wer ein hert ding onderstein,

du endarft is nit clein verstein,

iz swendet leben und muot.

mach ich si alle xij guot,

585

du most auch airbeit davan han.

des wil ich dich nit erlan,

ich wil dir sagen wie das ist.

du moest mer zu deser vrist

in scriven ein gut abc.

590

wan si das konnen, soe scriben wer me

bucher grois und dar zu cleine.

ruste dar zu», sprach die reine,

«hastu dinten end permit,

so schrif an als ich dich bit!»

595

ich det das mer die vrou bat.

of ein bret ich nelde ein blat,

ich sprach: «wie sal ich scriben wa?»

[47vb]

si sprach: «scrif an ein a.

das ist ie das eirste

600

und ist auch dat herste

figure die ie wart gemacht.

ir hertz sal dar of syn geracht

und by dem a probin

das sy alle doegent obin.

605

ist das gedaen, so schryb ein b.

ich kan si wol geleren me

by dem b barmhertzich sin.

is ist die hoegeste lere myn

das si lan erbarmen sich

610

beide arm und rych.

nu scrib c vil snelle.

das mein ich soe, geselle:

das c bedudit kuoesschen muot.

is enwert nommer ritter guot

615

der nit kuesch met werken ist

und bloeder woirte zu alre frist.

nu scryf auch ein d.

da mydde ich of die arm see

lan mynne scholer ruogin,

620

also das sy nu hugin

in hertzen an demudekeit.

is ist eins rechten ritters cleit

das demudekeit hem wone by,

doch stoltz her van gewapen sy.

625

ein e das saltu scriben noch.

bi dem e man prubet doch

das man sal syn gar erin gir

[48ra]

und dair an haben keinen vir.

nu scrif ein f, des bedin ich.

630

is ist auch ein lere rych,

und by den bochstabe dudit

die birbe ritter drudit.

by dem f ons sy kont

daz vrede macht eins ritters muot.

635

want widdert er gerne sine hant,

so ride der noch in fremde lant.

ist das gedaen, so schrif ein g.

vander figure weis ich me

doegent dan van keiner,

640

syn gloese ist reiner

dan ich is konne geachten,

besynnen noch bekrachten.

doch prove ich an allen schrancz

das ein g bedudet gancz.

645

is enmach nommer man gelingen,

er sy dan gancz an allen dingen,

an wercken und auch an woirten,

an dedin an allen orten.

ein h das saltuo scriben.

650

ich duden is den jongen luden.

h das bedudet herte

zu ritterlichem geveirte,

also scriben ich in myn buch,

of lib und leben ens sal man ruch

655

haben; wer der wapen plit,

[48rb]

der muos wagen zu alre czyt.

ein i han wer noch bevor,

das schrip in rechter massen spor

minen scholern jongen,

660

also das sy ir tzongen

twingen das ja blive ir ja

und is nit anders werben da

soe si is hant gesprochen.

ir ere voir zubrochen,

665

wer itzuont ja und dan nein.

nu schrib mer den boechstaf rein

den man ein k nennet.

da bie ist ons bekennet

das sy keren zu alre frist

670

da mannes daet zu schaffen ist.

auch bedudet k une:

durres laub werdit groone

an menchen namen,

wanher sich zagehaft wilt schamen.

675

nu scrif an onmaessen snel

das bedudet ons ein l.

ein l ich dir gloesen kan

das mit lutselkeit ein man

sal komen in der wibe gonst,

680

met lutselkeit in alle kuonst

gein en obir wyndent gar.

getruwe geselle, nu nym war

das du mer ein m machis

und auch da mede rachis

685

das sy des werden inne:

[48va]

das m bedudet mynne,

end mynne ist den jongen gut

und gebet den wapen hogemuot.

die wapen weren zu mael verweist

690

enn dede der mynnen volleist.

ein n das dude ich aldus

daz si sollent der scanden nuos

van irme namen schinden,

iren namen laessen vinden

695

altzyt aen laster schame,

so wert gecroent ir werde name.

das haestu gescreven bis of ein o,

dar an saltu proven so

das is enhaet ecken ader ort,

700

dar na besneden sy ir wort

und auch werck al omme,

das valsche woirte kromme

werden gesliffen die ecken abe.

oetmodicheit zu dude auch habe.

705

ein p das sien wer balde dar,

das sie allem dinge sin par

ey nach der ebin maze machen.

halden und laissen kan virfachen

das nommer eme wirt unglimp,

710

is sy ernste ader zu schymp.

get dir die veder, soe scrib ein q.

virstant wie meinen ich nu:

das si sullent mit ir kraft

sich quiten boeser geselschaft

715

und guder geselschaft sich

[48vb]

machen vil bequemelich.

ey strich ein r mer of dat blat!

daer by si proeven of der stat

wie si ir werde bloemen.

720

das r virbudit roemen

der wercke man zuden wapen dut.

auch wert das rume nommer gut,

obe eime man van lieve gelinget,

das er das saget ader singet.

725

er sal is in syn hercz sencken

und is met worten nommer gedencken.

und prube auch bi dem r vil eben

das reine wip en vreude geben.

nu dar ein s vil balde.

730

des lere auch du behalde:

das s bedudet stedikeit.

doch stede die hat onderscheit:

man sal gein stede stede sin,

gein wenckelmuot wencken schin.

735

wer stede wer da ir is verlorn,

dem dede der doot vil samfter vor.

ein t mache gar eigentlich,

des voirme also beduden ich:

dat t bescheichent truwe,

740

is brenget ewige ruwe.

der syme getruwen ungetruelich

doet, der sumet vor gode sich.

das t bedudet auch dat an:

getroest sal syn ein menlich man,

745

dorch kein dinck nemmer me verzan

und doen die werc und lan das zan.

nu syn wer komen an das u.

[49ra]

des lere verstant vil eben duo,

das du is na konnes gesan!

750

van recht ein erin gerin man

sal alczyt sin wandin

dorch prys in vreuden landen.

das u auch zu dude hat

daz er sich vlysse an woldaet,

755

und wo gewalt eme wone by,

das er da genedich sy.

das u ons auch bewiset

ein lere, ist gepriset:

vrauwen sal er sprechen wol

760

und salen losschen der schanden kol

mit intreden, woe er hoirt

das man ir lobis tempel stoirt.

oft si wol schuldich weren,

er ensal si doch nit leren

765

ir eren, wie is om ir stet.

syn name da prys van ontfet.

nu scryf ein x du mer alher!

wie man des bochstabis nit enger

zu keyme duetschen worte,

770

er corrigiert doch die orte

an dem selben hi und da.

das x si wisen sal die sla

das sy alle dinck corrigieren.

wol mach eyme ritter zieren

775

don onderscheit des heiles gan

das er alding besweren kan.

nu schryb zu crieschin du herby

met diner hant dar ein y!

[49rb]

ich intsliessen dir sin geverte,

780

wie is zu duden sy herte.

minen leven kinden

ir sele vergode blinden,

virworffen sy die lere

und wesen in ewige sere.

785

ich meinen das si nommer sollent,

die myner lere volgent,

dorch ertsche vreude und iren raet

virgessen wer sy geschaffen haet

und was er hat geleden,

790

eme alczyt om helffe bidden.

soe wer lange geleben dar,

so varen wer dan en weis nit war,

und sprechen das si nit schamen sich

zu dinen dem koningerich

795

der da beslusset das vermamente.

das abc haet ein ente

als wir das z dichten.

das meint: ein man sal richten

sinen sin und sinen muot

800

das er aldinck zertlichen duot,

und sinen zorn bedecken,

niet synnen sin lan blecken

ain czorn, das mos prisen ich;

sine dait sanfte und modeclich

805

sal er alle zyt zu brengen

und sinen muot betwingen.

dan alle ga scucze

die sint zu nicht nuocze.

ein synnich man an deden vruom

810

du bedeclich was ein kuom.

[49va]

Ebin ich han die lere gemacht lang,

got gebe dat ic virdiene dang

an mynen scholern wilden.

wulden sy dese lere bilden

815

in ir hertz und iz behalden,

das ich der schole sie it verschalden

dorfte, das were ein vreude myr.

wan si das konnent, so wullen wir

en schriben wol die hogeste lere,

820

das mans hertz gefreich nie mere.

aresmatica und loica,

aller doegent astronomia,

was konste kristen adir heiden

ie gemachten, der wil ich bescheiden

825

si wol met myner monste;

ich gronden en auch die seben konste.

si sullent hi um nit verzan

obe ich sy cleinlich leren an,

ich meynen das snoede abc.

830

ich sal si wol geleren me

konste grois na cleiner ler.

of si davan gewynnent ser,

das endarf sy nit beruwen;

ich lere si ye met truwen.

835

wil sy yemant leren bas,

des wil ich nommer gewynnen has,

soe bin ich auch der arbeide an.

ich sulde myn heubit bilcher slan

nu jairling om einen elter

[49vb]

und beden mynen selter,

om ein kerch ein rauchvas dragen

dan das ich lere desen jongen sagen

und ir sonde of mich laden.

alt und dorftich sint ij schaden,

845

des kan ich nit bedencken nu.

wol her, ir lere gryf ich zu

und secczen sy obir das abc.

wie is en da midde erge,

des wert man wol hir nach gewar,

850

ob man si vindet in eren schar.

da hoffen ich si zu brengen hin,

in si den scelhin gar den sin.»