B  I  B  L  I  O  T  H  E  C  A    A  U  G  U  S  T  A  N  A
             
  Matthäus Roricʒer
ca. 1430 - ca. 1492/95
       
   


P u e c h l e i n   d e r  
f i a l e n   g e r e c h t i k a i t


B l a t t   5   v e r s o

___________________________________________________


Darnach mach dy negſt(e)n figur wider mit ſeinen puchſtaben vnd cʒal vnd mach ain lini
ob(e)n bey de(m) .r. da mach cʒwe(n)
puchſtab(e)n .x.y. des gleich(e)n vnt(e)n pey
de(m) .s. .t. .v. darnach ſecʒ ain cʒirkel in den mittelriſſ d(er) fial(e)n gruntle(i)n auf d(er) lini .a.b. vn(d) cʒeuch den cʒirkel auf pis in das .a. od(er) in das .b. wan das ain weit iſt alſo nim den ſelben cʒirkel vnve(r)ruckt vn(d) ſecʒ in auf de(m) mittelriſ des auſʒugs auf das .r. vnd mach ain puncktlein auf d(er) lini .x.r.y. gegen dem .x. da ſecʒ ain .a. darnach ſlach den ʒirkel vm geg(e)n dem .y. vn(d) mach ain .b. des
gleich(e)n ſecʒ den vnuerruct(e)n ʒirkel vnt(e)n auf das .s. vn(d) mach auch auf yede ſeyt(e)n der lini .t.s.v. ain punctlen mit den puchſtab(e)n verʒaichnet .c. vn(d) .d. des ain exempel in d(er) figur ʒv negſt neben der geſchrift gemacht ſtet