| |
|
-
- P u e c h l e i n d e r
f i a l e n g e r e c h t i k a i t
B l a t t 8 r e c t o
- ___________________________________________________
- Dar nach mach dy negſten figur wider mit den puchſtab(e)n vnd ʒal(e)n Darnach ſchaw wo dy linj von dem .l. pis jn das .d. vn(d) dy linj von
de(m) .h. pis ʒv dem .i. vbe(r) ain ander gen do mach ain .n. Des gleich(e)n wo dy linj von dem .m. pis jn das .c. vn(d) von dem .h. pis in das .k. vber ain ander gen do mach ain .o. Darnach mach ain linj vbe(r) cʒwerch ob(e)n pey der andern ʒal wirt dy linj p.ij.q. Darnach ſecʒ
de(n) ʒirkel auf d(a)ʒ .n. jn de(m) gru(n)tl(ei)n
d(er) fial(e)n vn(d) ʒuich de(n) ʒirkel auf pis ʒv de(m) .o. gleich ſo weit ſollen dy puchſtaben von ain ander ſten mit iren puncktlein auf der jcʒgemelt(e)n linj .p.ij.q. Darnach ʒuich ain linj von dem .p. pis ʒv de(m) .n. des gleichen von dem .q. pis ʒv dem .o. Dar nach nim dy weit(e)n vnt(e)n an den riſen von de(m) .i. pis jn d(a)ʒ .c. vn(d) ſecʒ dy ſelb(e)n weit(e)n auf dy andern ʒal vn(d) mach ain punckt auf dem mittelriſ abercʒ do ſecʒ ain .r. Darnach von dem .r. aber ſo weit abercʒ do mach ain .s. Darnach mach auf
de(m) .r. vn(d) auf dem .s. pey i(e)dem
puchſtab(e)n ain linj vber cʒwerch Darnach nim dy weit(e)n .r..s. jn de(n) riſ(e)n vn(d) ſecʒ den ʒirkel auf d(a)ʒ .r. vn(d) mach auf j(e)de ſeit(e)n ain punckt mit de(n) puchſtab(e)n .x..y. Des gleich(e)n ſecʒ dy ſelb(e)n weit(e)n auf das .s.
vn(d) mach auf y(e)de ſeit(e)n ain punckt mit den puchſtaben .t..v. Dar nach ʒuich ain linj vo(n)
de(m) .x. ʒv de(m) .t. Desgleich(e)n vo(n) dem .y. ʒv dem .v. Des ain exempel do neb(e)n der geſchrift ain figur gemacht ſtet.
|
|
|