Handschrift B

____________________________________________________________

XXV

(HS A 45v, HS B 11v-12r, HS c 29v-31r, Klein 25)

I

A

Jn burger und ein hofman/

begunden tyspietiern/

die namen einen obman/

für war ein alte diern/

5

und welcher bas möcht geben/

den freulin hohen müt/

darumb ſy wurden ſtreben/

do ſprach der hofman güt/

Jch bin ain Jüngling küne/

10

kraws weyſs iſt mir das har/

darauf ein krenczlin grüne/

trüg ich das gancze jar/

wol kan ich ſingen ſchallen/

und ſchreyen friſchlich ju/

15

ſolt ich nit bas geuallen/

den freulin rain wänn du/

Jch ſey ein burger weyſe/

gar ſtill iſt mein geuert/

mit ſüſſen Worten leyſe/

20

wirt mir vil liebs beſchert/

und trag ein ſwere taſchen/

die iſt der pfenning vol/

darjnn ſo laß ich naſchen/

das tüt den freulin uol/

25

Des frag die alte kewe/

mit kurtzen worten ſlecht/

ich ſprich bey meiner trewe/

der burger hat wol recht/

ich hab mein Zeit verkuppelt/

30

zu brixsen jndem krays/

vil parell aus geſuggelt/

das ich den louff wol waiſs/

II

JCh pflig nit groſſer wicze/

mein barſchafft die iſt klain/

35

jr alte kamer czicze/

ia bin ich hübſch und rain/

ſolt mir nicht bas gelingen/

nu tün ich mir ſo we/

mit reitten tanczen ſpringen/

40

vil durch den grünen kle/

Jch bül mit güten ſitten/

daran bin ich nicht laſs/

hab ich nicht uil geritten/

leicht mag ich deſter bas/

45

mit güt und an dem leibe/

wann jr vil röſcher knab/

auch füg ich mangem weibe/

mit koſtberlicher gab/

Rain frow von hohn eren/

50

der iſt dein gab enwicht/

jr hercz mag nicht emberen/

wann ſy mich frölich ſicht/

verwegenlichen ſprengen/

ÿber einen graben tieff/

55

ich hoff ſy tü verhengen/

ſend ich jr meinen brieff/

Des müſs ich aber lachen/

ſprach es die grieswärtlin/

was ſol man daraus machen/

60

die bülſchaft hat nicht jnn/

ich hett mich ainſt verſchoſſen/

mit einem knaben junck/

des hett ich nye genoſſen/

newr vmb ein böſen trunck/

III

HEr jünglingk ew möcht friesen/

jr habt verſchrotten zwier/

werdt jr das dritt verliesen/

das habt jr newr von jr/

ich traw ein mayd ersleichen/

70

zwar die jr nicht erloufft/

und mügt mir nit geleichen/

jr werdt dan recht getoufft/

Das müſſt der valant ſchaffen/

ich ſey von criſten art/

75

und weiſs das mit dem pfaffen/

der mich töfflich bewart/

auch wil ich des genieſſen/

gen freulin weyt für dich/

wenn ich mein ſper laſs flieſſen/

80

mit ritterlichem ſtich/

Turnieren und ouch ſtechen/

das ward mir nye bekant/

ich hab ein peutel frechen/

darjn ſtoſs ich mein hand/

85

gold ſilber edel geſtaine/

zeuch ich daraus genüg/

und tail den freulin raine/

daſſelb iſt bas jr füg/

Gar war ſprach es die alte/

90

ſo werdt mir nymmer hold/

kain beſſer lieb nicht walte/

wann ſilber oder gold/

darumb lieſs ich mich nüczen/

auf den gerackten tod/

95

E ich mich wolt beküczen/

mit kaines hofmans not/

IV

Seyd ich nu han verloren/

du alter böſer ſack/

das tüt mir ymmer zoren/

100

ich ſlach dich auf dein nack/

das dir bey ainlif zende/

emphallen nicht gar ſchon/

der tiefel müſs dich ſchenden/

das gib ich dir zu lon/

105

Jch burger zuck ein ryem güt/

uon einem peutel groſs/

ſee hin mein liebe diemüt/

fünf pfund für diſen ſtoſs/

kouff hüner ayr und würſte/

110

und darzu güten wein/

und wenn dich aber dürſte/

ſo kom h'wider ein/

12r

Der lon der wirt mir ſawer/

nu han ich kainen zand/

115

den hofman ſlach der ſchawer/

der mir ſy hat entrant/

und müſs hinfür derwelhen/

koufft jr mir nit ain kü/

da mit ich hab zu melhen/

120

ein müſs des morgens frü/

Jch kouff dir kü und kalben/

und wes dein leib bedarff/

ſeyd ich den hofman ualben/

hab ÿberſtritten ſcharf/

125

und waiß ein ſchöne mëtzen/

dort oben an dem egk/

die ſoltu mir ersweczen/

das gilt dir würſt und wegk/

Der ſtreit hat ſich verbrauset/

130

redt all darzu das beſt/

wer alde weiber hauset/

der hat ouch geren geſt/

wan alte weib und änten/

gehören inainen ſee/

135

was ſol man dran verquenten/

kain uich das ſchnattrot me –

Nota diſs uorgeſchriben zway lieder

kain freud mit klarem herczen etc.

und Ain burger und ain hofman

ſinget ſich Jnn der melodey.

des groſſen hrn' wunder etc.