BIBLIOTHECA AUGUSTANA

 

Johann Peter Hebel

1760 - 1826

 

Allemannische Gedichte

Für Freunde ländlicher Natur und Sitten

 

1803

 

__________________________________________________________________________________

 

 

[129]

Der Schreinergesell.

 

Mi Hamberch hätti g'lert, so so, la la;

doch stoht mer 's Trinke gar viel besser a,

aß 's Schaffe, sel bikenni frey und frank;

der Rucke bricht mer schier am Hobelbank.

 

Drum het mer d' Mutter mengmol profezeit:

«Du chunnsch ke Meister über wit und breit!»

I ha 's z'lezt selber glaubt, und denkt: Isch's so,

wie wirds mer echterst in der Fremdi go?

 

Wie ischs mer gange? Numme z'gut! I ha

in wenig Wuche siebe Meister gha.

O Müetterli, wie falsch hesch profezeit?

I chömm kei Meister über, hesch mer gseit.