Sachsenspiegel

Von der Herren Geburt

______________________________________________________________________________

Das Sächsische Landrecht

Von der herren geburt

Hir beginnet die bord der herren vonme lande to sassen.

Nu vernemet umme der herren bord von me lande to sassen. De von anehalt, de von brandeburch: de von orlemünde, de marcgreve von mysne, de greve von brenen; desse vorsten sint alle svavee. Under den vrien herren sint svavee: de von hakeborne, de von gneiz, de von müchele. – Under des rikes scepenen sint svavee: de von trebüle, de von edelerestorp, hynric, Judas von snetlinge, de voget albrecht von spandowe unde alveric unde conrad von snetlinge, unde scrapen kind von Jersleve, Anne von Ireckestorp, Herman von meringe, Heidolves kindere von winige, unde de von Sedorp; dit sint alle svavee. – De landgreven von düringen, de von regenstein, de von blankenburch unde burchgreven von wettin; de von klodene, de von Crouzke, de von gotebuz; dit sin alle vranken. – De von brunswik, de von lüneborch, de von poppenburch, de von osterburch, de von aldenhusen; dit sint alle svavee. – De von werningerode unde de von arnstein, de von besenrode, de von amersleve, de burchgreven von gevekenstein, de dumvoget von halverstad, de von Süseliz, de von lichtenberge, de von dobin; dit sint alle geborne svavee. – De hertoge von lüneborch unde sin geslechte sint geborne sassen. Unde dar to alle die vrien herren unde scepenen, de to sassen wonehaft sint unde de me kündich sint bi miner thid, sunder de hir vore benümet sint. Svelk bischop von deme rike belent is mit vanlene binnen deme lande to sassen, unde den herschild dar af hevet, die het ein sasse, von svelkem lande he bordich si, unde mut wol ordel vinden unde ordeles volgen unde vorspreke sin to lenrechte unde to landrechte vor dem rike over iegeliken man, dar it ime in den lif oder in de hand nicht ne gat, unde anderes nirgen to landrechte noch to lenrechte.