Aobend-Klocken

Auswahl

Text:

Augustin Wibbelt, Aobend-Klocken

Gedichte in münsterländischer Mundart.

Essen: Fredebeul & Koenen, [1934]

______________________________________________________________________________

Moder Nacht

Villicht

Moder Nacht.

Kümms du endlick, sachte, sacht

Dienen stillen Stähnenwägg?

O, ick harr et doch nich dacht,

Dat de Dag so swaor sick drägg.

Was so liäbensfrisk un froh,

Äs de Vüegel süngen fröh –

Moder Nacht, nu deck mi to!

Ick sin mö', sin stiarbensmö'.

Villicht.

Laot mi de late Sunn,

Günn mi den gollnen Straohl!

Vlicht schinnt se düsse Stunn

För mi dat leste Maol.

De Sunn strick week un warm

Mi üöwer Buorst un Knei

Un nimp mi in den Arm,

Äs Moder fröher daih.

Baoll geiht dat auk vörbi.

De griese Niewwel stigg,

De Welt ligg bleek äs Blie,

De hauge Hiemmel swigg.