Εἰδύλλια

Manuscripta

________________________________________________________

Papyrusfagment P. 21182 (Berliner Papyrusdatenbank, saec. VI p. Chr. n.)

III, 1 - 8

Κωμάσδω ποτὶ τὰν Ἀμαρυλλίδα, ταὶ δέ μοι αἶγες

βόσκονται κατ᾽ ὄρος, καὶ ὁ Τίτυρος αὐτὰς ἐλαύνει.

Τίτυρ᾽ ἐμὶν τὸ καλὸν πεφιλημένε, βόσκε τὰς αἶγας,

καὶ ποτὶ τὰν κράναν ἄγε Τίτυρε, καὶ τὸν ἐνόρχαν,

5

τὸν Λιβυκὸν κνάκωνα, φυλάσσεο μή τυ κορύψηι.

Ὦ χαρίεσσ᾽ Ἀμαρυλλί, τί μ᾽ οὐκέτι τοῦτο κατ᾽ ἄντρον

παρκύπτοισα καλεῖς; τὸν ἐρωτύλον ἦ ῥά με μισεῖς;

ἦ ῥά γέ τοι σιμὸς καταφαίνομαι ἐγγύθεν ἦμεν;

VII, 127 - 135

ἅτις ἐπιφθύζοισα τὰ μὴ καλὰ νόσφιν ἐρύκοι.»

Τόσσ᾽ ἐφάμαν· ὃ δέ μοι τὸ λαγωβόλον, ἁδὺ γελάσσας

ὡς πάρος, ἐκ Μοισᾶν ξεινήϊον ὤπασεν ἦμεν.

130

χὣ μὲν ἀποκλίνας ἐπ᾽ ἀριστερὰ τὰν ἐπὶ Πύξας

εἶρφ᾽ ὁδόν, αὐτὰρ ἐγώ τε καὶ Εὔκριτος ἐς Φρασιδάμω

στραφθέντες χὠ καλὸς Ἀμύντιχος ἔν τε βαθείαις

ἁδείας σχοίνοιο χαμευνίσιν ἐκλίνθημες

ἔν τε νεοτμάτοισι γεγαθότες οἰναρέαισι.

135

πολλαὶ δ᾽ ἄμμιν ὕπερθε κατὰ κρατὸς δονέοντο

Pap. Oxy. 694 (saec. II p. Chr. n.)

XIII, 19 - 33

ἵκετο χὡ ταλαεργὸς ἀνὴρ ἐς ἀφνειὸν Ἰωλκόν,

20

Ἀλκμήνης υἱὸς Μιδεάτιδος ἡρωίνας,

σὺν δ᾽ αὐτῶι κατέβαινεν Ὕλας εὔεδρον ἐς Ἀργώ,

ἅτις κυανεᾶν οὐχ ἅψατο συνδρομάδων ναῦς,

ἀλλὰ διεξάιξεν (ἀφ᾽ οὗ τότε χοιράδες ἔσταν)

αἰετὸς ὣς μέγα λαῖτμα, βαθὺν δ᾽ εἰσέδραμε Φᾶσιν.

25

ἆμος δ᾽ ἀντέλλοντι Πελειάδες, ἐσχατιαὶ δέ

ἄρνα νέον βόσκοντι, τετραμμένου εἴαρος ἤδη,

τᾶμος ναυτιλίας μιμνάισκετο θεῖος ἄωτος

ἡρώων, κοίλαν δὲ καθιδρυθέντες ἐς Ἀργώ

Ἑλλάσποντον ἵκοντο νότωι τρίτον ἆμαρ ἀέντι,

30

εἴσω δ᾽ ὅρμον ἔθεντο Προποντίδος, ἔνθα Κιανῶν

αὔλακας εὐρύνοντι βόες τρίβοντες ἄροτρον.

ἐκβάντες δ᾽ ἐπὶ θῖνα κατὰ ζυγὰ δαῖτα πένοντο

δειελινάν, πολλοὶ δὲ μίαν στορέσαντο χαμεύναν.

Pergamentum P. 5017 (Berliner Papyrusdatenbank, saec. VI p. Chr. n.)

recto

XI, 21 - 25

μόσχω γαυροτέρα, φιαρωτέρα ὄμφακος ὠμᾶς;

φοιτῆις δ᾽ αὖθ᾽ οὕτως, ὅκκα γλυκὺς ὕπνος ἔχηι με,

οἴχηι δ᾽ εὐθὺς ἰοῖσ᾽, ὅκκα γλυκὺς ὕπνος ἀνῆι με,

φεύγεις δ᾽ ὥσπερ ὄις πολιὸν λύκον ἀθρήσασα.

25

ἠράσθην μὲν ἔγωγε τεοῦς, κόρα, ἁνίκα πρᾶτον

verso

XIV, 59 - 63

μισθοδότας Πτολεμαῖος ἐλευθέρωι οἷος ἄριστος·

60

τἄλλα δ᾽ ἀνὴρ ποῖός τις; [ἐλευθέρωι οἷος ἄριστος]

εὐγνώμων, φιλόμουσος, ἐρωτικός, εἰς ἄκρον ἁδύς,

εἰδὼς τὸν φιλέοντα, τὸν οὐ φιλέοντ᾽ ἔτι μᾶλλον,

πολλοῖς πολλὰ διδούς, αἰτεύμενος οὐκ ἀνανεύων