Μῦθοι Αἰσώπειοι

___________________________________________________

37.

Ἀλώπηξ καὶ Κροκόδειλος.

(S. 20. C. 9 et p. 285. F. 9.)

Ἀλώπηξ καὶ κροκόδειλος περὶ εὐγενείας ἤριζον. Πολλὰ δὲ τοῦ κροκοδείλου διεξιόντος περὶ τῆς τῶν προγόνων λαμπρότητος, καὶ τὸ τελευταῖον λέγοντος, ὅτι γεγυμνασιαρχηκότων ἐστὶ πατέρων, ἡ ἀλώπηξ ὑποτυ χοῦσα ἔφη· «ἀλλὰ κἂν σὺ μὴ εἴπηις, ἀπὸ τοῦ δέρματος φαίνηι, ὅτι ἀπὸ πολλῶν ἐτῶν εἶ γεγυμνασμένος.»

Οὕτω καὶ τῶν ψευδολόγων ἀνθρώπων ἐλεγχός ἐστι τὰ πράγματα.