BIBLIOTHECA AUGUSTANA

 

Aisopos

floruit ca. 600 a. Chr. n.

 

Μῦθοι Αἰσώπειοι

 

___________________________________________________

 

 

 

161.

Ἥρως.

(S. 109. F. 80. C. 399. B. 63.)

 

ρωά τις ἐπὶ τῆς οἰκίας ἔχων τούτωι πολυτελῶς ἔθυεν· ἀεὶ δ᾿ αὐτοῦ ἐξαναλισκομένου καὶ πολλὰ εἰς θυσίας δαπανῶντος ὁ ἥρως ἐπιστὰς αὐτῶι νύκτωρ ἔφη· «ἀλλ᾿ ὦ οὗτος, πέπαυσο διατρίβων τὴν οὐσίαν· ἐὰν γὰρ πάντα ἀναλώσηις καὶ πένης γένηι, ἐμὲ αἰτιάσηι.»

Οὕτως πολλοὶ διὰ τὴν ἑαυτῶν ἀβουλίαν δυστυχοῦντες τὴν αἰτίαν ἐπὶ τοὺς θεοὺς ἀναφέρουσιν.