Μῦθοι Αἰσώπειοι

___________________________________________________

193.

Κιθαρωιδός.

(S. 120. C. 96. F. 248.)

Κιθαρωιδὸς ἄμουσος ἐν κεκονιαμένωι οἴκωι συνεχῶς ἄιδων, ἀντηχούσης [δὲ] αὐτῶι τῆς φωνῆς, ὥστε αὐτὸν νομίσαι εὔφωνον εἶναι σφόδρα, καὶ δὴ ἐπαρθεὶς ἐπὶ τούτωι ἔγνω δεῖν καὶ εἰς θέατρον εἰσελθεῖν· ἀφικόμενος δὲ ἐπὶ σκηνὴν, καὶ πάνυ κακῶς ἄιδων λίθοις βαλλόμενος ἐξηλάθη.

Οὕτω καὶ τῶν ῥητόρων ἔνιοι ἐν σχολαῖς εἶναί τινες [97] δοκοῦντες, ὅταν ἐπὶ τὰς πολιτείας ἀφίκωνται, οὐδενὸς ἄξιοι εὑρίσκονται.