BIBLIOTHECA AUGUSTANA

 

Anakreon

ca. 570 - ca. 500 a. Chr. n.

 

Πάπυροι

 

Textus:

Delectus ex iambis et elegis Graecis

ed. M. L. West, Oxford: Clarendon 1980

 

___________________________________________________

 

 

 

PMG 346

Pap. Oxy. 2321 fr. 1

 

οὐδ. . . [.]σ.φ. .α. . [. . .]. .[ 

φοβερὰς δ᾽ ἔχεις πρὸς ἄλλωι 

3

      φρένας, ὦ καλλιπρόσωπε παίδ[ων· 

καί σε δοκεῖ μενε[. . .ʹ.] . . . . . [ 

πυκινῶς ἔχουσα[ 

6

      ἀτιτάλλειν· σ[.] . [. . . .] . . . [ 

τὰς ὑακιν[θίνας ἀρ]ούρας 

ἵ]να Κύπρις ἐκ λεπάδνων 

9

      . . . .]ʹ[.]α[ς κ]ατέδησεν ἵππους· 

. . . . . .]δ᾽ ἐν μέσωι κατῆξας 

. . . . . .]ωι δι᾽ ἅσσα πολλοὶ 

12

      πολ]ιητέων φρένας ἐπτοέαται. 

λεωφ]όρε λεωφόρ᾽ Ἡρο[τ]ίμη

 

 

PMG 347

Pap. Oxy. 2322 fr. 1

 

καὶ κό[μη]ς, ἥ τοι κατ᾽ ἁβρὸν 

2

      ἐσκία[ζ]εν αὐχένα· 

νῦν δὲ δὴ σὺ μὲν στολοκρός, 

ἡ δ᾽ ἐς αὐχμηρὰς πεσοῦσα 

χεῖρας ἀθρόη μέλαιναν 

6

      ἐς κόνιν κατερρύη 

τλημον[.]ς τομῆι σιδήρου 

περιπεσο[ῦ]σ᾽· ἐγὼ δ᾽ ἄσηισι 

τείρομαι· τί γάρ τις ἔρξηι 

10

      μηδ᾽ ὑπὲρ Θρήικης τυχών; 

οἰκτρὰ δὴ φρονεῖν ἀκού[ 

τὴν ἀρίγνωτον γυναῖ[κα 

πολλάκις δὲ δὴ τόδ᾽ εἰπ[εῖν 

14

      δαίμον᾽ αἰτιωμέ[ν]ην· 

ὡ]ς ἂν εὖ πάθοιμι, μῆτερ, 

εἴ] μ᾽ ἀμείλιχον φέρουσα 

π]όντον ἐσβάλοις θυίοντα 

18

      π]ορφ[υρ]έοισι κύμασι[

 

*   *   *