mayselekh

nit fun haynt – shoyn zibn yor

dort in shtibl voynt dos por

un s'hot keyner nit gevust.

plutsim kitsn zikh farglust

gor a feske mit a trold

un an oyringl fun gold,

(ver-zhe volt dos nit gevolt!)

fort er oyfn *yor-yarid,

(az me ken, far vos-zhe nit?)

fort un nemt dem hon nit mit.

bay der shtub gelozt dem hon

un er zogt azoy im on:

„lebn shtibele arum

dreyt der fuks, der fuks zikh um;

mit a grobn kantshik shmayst er,

iber barg-un-toln rayzt er,

vu a hon khap-khap in tayster.

zits-zhe shtil un zay-zhe klug,

tu in fentster nit keyn kuk,

mit di fligl tu keyn plyeske

un zikh gorglen darf men nit!

nu, ikh ayl zikh tsum *yarid:

ikh muz koyfn mir a feske

un a ring tsum rekhtn oyerl,

zay gezunt! farshlis dos toyerl!“

der forzikhtiker hon

ergets vu – nit noent, nit vayt,

oyf a bergl in der zayt,

opgerukt fun breytn shlyakh

shteyt a shtibele fun *skhakh,

vi fun dr'erd aroysgevaksn,

tsvishn mon un hoykhe flaksn.

dortn tsvishn flaks un mon

voynt a koter mit a hon;

heyst der koter feter kits

un der hon *reb mitslmits.

un der fuks dort lebn hayzl

shvaygt dervayl nit, neyn, er klingt

mit tsvey tetslekh un er zingt:

„*tsadikl, *tsadikl,

fayerroytik spodikl,

rotsemorene zhupetse,

samet grine yupetse,

shtek aroys dos piskele,

shenk ikh dir a krishkele!

kinderlekh gezesn,

koyletshlekh gegesn,

krishkelekh geblibn,

keyner nit geklibn.“

„zay gezunt un for gezunt!

shtel nit op zikh mitn hunt!“

heys; in droysn brent di hits,

oyfn mark dreyt um zikh kits

in der terkish-royter fes.

bald vet vern a *mesles,

er dos oyringl nokh dingt:

„koyf mikh“, redt es un se vinkt,

nor der prayz! ps, ps, a prayzl! . .

un er vortshet: „nit keyn kalts!“

un dos ringl dingt er alts:

vil men fuftsn git er fertsn.

nu, *a klal, an ek, in kurtsn:

ot-ot-o, se halt baym koyfn –

hendem-pendem nemt er loyfn

iber dekher, iber shtiber,

vi a kaylekhl fun biksl

flit er – treft dos khitre fiksl.

zikh mit shtayfkayt ayngetsoygn,

un a shprung dem fuks in d'oygn!

trogn fayer grine shpinen –

beyde oygn oysgerunen!

vey, der hon, er halt nit oys,

shtekt dos piskele aroys,

shpringt dos fiksl oyf di trep

un – dos hendele shlip-shlep!

nokh fun yorn, alte teg,

hit a *tseylem yenem veg,

shteyt oyf im a kukuveyke.

shrayt der hon oys: „kukureyke!

oy, vos shteystu oyfn *tseylem?

fli tsum koter un dertseyl im:

narish fiksl mit a brekl

klugn hon farnart in zekl.“

un *reb kits farshtoybt, fitshnas er

lesht dem dorsht mit zodevaser,

er keyn krishke est nit mer,

un *afile nit keyn ker...

un dem tsveytn tog shoyn fast er.

un er leygt tsu „hupke-flaster“,

zikh di vundn tsu farheyln . . .

ver veys sheners – zol dertseyln!

(nu, der fuks gerevet, kinder!)

lozt shoyn op dem hon der blinder.

iz der hon *farkhalesht nebekh,

koym, koym fregt er: „toyt, tsi leb ikh?“

entfert im *reb kits keyn vort nit,

shpet, di zun shteyt oyf keyn ort nit,

shoyn gezetst zikh, bald fargeyt zi;

khapt dem hon er oyf der pleytse

un – avek, in dorf gelofn.

iz nokh dos apteykl ofn,

koyft er dortn in apteykl,

vaserlekh fun taykh *khidekl

in tsvey groyse grine flashn

un er nemt dem *khaver vashn.

vert der hon vi naygeboyrn

un kritst oys oyf ale toy'rn

mit zayn shpitsik-sharfn nogl:

„gut tsum hust a gogl-mogl.

nemt dikh a farkilung shtekhn –

ruf dem shprekher zol er shprekhn!

zogt men draymol „hore-kore“,

felt zikh oykhet a *nehore,

un *afile a „zadishke“.

vos geferlekh? nor a krishke!“

ot azoy der hon farshribn,

un aleyn zikh vort gegibn: