B  I  B  L  I  O  T  H  E  C  A    A  U  G  U  S  T  A  N  A
           
  C. Iulius Caesar
100 - 44
     
   



C o m m e n t a r i i
d e   b e l l o   c i v i l i


C o m m e n t a r i u s   p r i m u s

_______________________________________________


A r g u m e n t u m .

Cap. 1: Causa et origo belli civilis. De litteris Caesaris ad senatum non refertur, obstantibus Lentulo cos. et Scipione.
Cap. 2: Caesar exercitum iubetur dimittere.
Cap. 3: Senatus Pompeio aperte favet coactus, refragantibus tribunis plebis.
Cap. 4: Pompeius se Caesari infensum ostendit.
Cap. 5: S. C. Videant consules, praetores, tribuni plebis, ne quid respublica detrimenti capiat.
Cap. 6: Provinciae Pompeianis commissae. Tota Italia dilectus habentur.
Cap. 7-10: Caesar, de militum voluntate certus, Ariminum tendit. Tribunos plebis convenit, pacem servare tentat.
Cap. 11-12: Iniqua conditione Pompeii reiecta occupat Arretium, Pisaurum, Fanum, Anconam, Iguvium; toto Piceno dilectus habet.
Cap. 13: Auximo potitur.
Cap. 14: Roma trepidat. Pompeius ex urbe excedit. Lentulus aperto aerario fugit, gladiatores Caesaris Capuae armat.
Cap. 15: Caesar Asculum recipit: ex dilectibus Pompeianis suas cohortes augit.
Cap. 16-17: Corfinii obsidet Domitium, qui frustra a Pompeio auxilium petit.
Cap. 18: Sulmonenses Caesari portas aperiunt.
Cap. 19: Corfinii trepidatur.
Cap. 20: Domitius fugam moliens impeditur.
Cap. 21-22: De tradendo oppido agitur.
Cap. 23: Eo tradito Pompeii duces Caesar dimittit, milites sacramento adigit, in Apuliam transit.
Cap. 24: Pompeius ipse Brundisium fugit, copias contrahit, servos, pastores armat. Pompeianorum cohortes ad Caesarem transeunt, qui rursus de pace cum Pompeio coram agere cupit.
Cap. 25-26: Hunc Caesar Brundisii obsidet, colloquium recusantem.
Cap. 27: Pompeius Dyrrhachium transiicit.
Cap. 28: Brundisini se Caesari reddunt.
Cap. 29: Hic Hispaniam confirmare statuit.
Cap. 30-31: E Sardinia Cottam Valerius, e Sicilia Catonem Curio eiicit, Tuberoni in Africa resistit Varus.
Cap. 32: Caesar Romae in senatu de pace agit, legatos ad Pompeium mitti suadet.
Cap. 33: Legationem nemo suscipit. Caesar in Galliam ulteriorem abit.
Cap. 34-35: Domitii suasu Massilia portas Caesari claudit, qui frustra eam a bello dehortatur.
Cap. 36: Domitius Massiliam pervenit: hanc Caesar oppugnare parat.
Cap. 37: Pyrenaeos saltus occupat.
Cap. 38: Afranius et Petreius, Pompeii legati, Hispaniam obtinent.
Cap. 39-42: Cum iis certatur pluribus proeliis.
Cap. 43-52: Potissimum ad Ilerdam bellum geritur.
Cap. 53: Res Afranii et Petreii prospere gestae, Romam nuntiatae, Pompeianorum partes firmat.
Cap. 54-55: Caesar strenue resistit.
Cap. 56-57: Pugna ad Massiliam.
Cap. 58-59: Prospero Bruti proelio, nuntiato Caesari ad Ilerdam, fortuna mutatur.
Cap. 60: Hispaniae populi, Oscenses, Calagurritani, alii, desciscunt ab Afranio.
Cap. 61-70: Caesar, Sicoris parte aversa, Afranium et Petreium terret: cum his prospere pugnat.
Cap. 71-73: Afranianis parcit, misericordia motus, sine proelio iis se potiturum sperans.
Cap. 74: Agitur cum Caesare de Afranii et Petreii vita, pax videtur coitura.
Cap. 75-76: Petreius Caesarianos per inducias receptos perfide trucidari curat.
Cap. 77: Caesar contra Pompeianos salvos dimittit.
Cap. 78-83: Afraniani, omnis generis inopia pressi, castra relinquunt: in itinere impediuntur a Caesare.
Cap. 84: Omnibus rebus obsessi colloquium petunt.
Cap. 85: Afranium reprehendit Caesar.
Cap. 86-87: Dimittitur exercitus. Duces libere abeunt.