Carmina

Carmen XXXII

[ad Ipsitillam.]

_________________________________________________________

metrum: hendecasyllabus

Amabo, mea dulcis Ipsitilla,

meae deliciae, mei lepores,

iube ad te veniam meridiatum.

et si iusseris, illud adiuvato,

5

ne quis liminis obseret tabellam,

neu tibi lubeat foras abire;

sed domi maneas paresque nobis

novem continuas fututiones.

verum si quid ages, statim iubeto:

10

nam pransus iaceo et satur supinus

pertundo tunicamque palliumque.