BIBLIOTHECA AUGUSTANA

 

C. Valerius Catullus

ca. 87 - 54 a. Chr. n.

 

Carmina

 

Carmen LV

[ad Camerium.]

 

_________________________________________________________

 

 

 

metrum: hendecasyllabus

 

 

Oramus, si forte non molestumst,

demonstres ubi sint tuae tenebrae!

 

te campo quaesimus in minore,

te in circo, te in omnibus libellis,

5

te in templo summi Iovis sacrato.

in Magni simul ambulatione

femellas omnes, amice, prendi,

quas vultu vidi tamen sereno.

a te vel sic ipse flagitabam:

10

«Camerium mihi pessimae puellae.»

quaedam inquit, tunicae sinum reducens:

«en hic in roseis latet papillis.»

 

sed te iam ferre Herculi labos est.

tanto ten fastu negas, amice?

15

dic nobis, ubi sis futurus, ede

audacter, committe, crede lucei.

num te lacteolae tenent puellae?

si linguam clauso tenes in ore,

fructus proicies amoris omnes:

20

verbosa gaudet Venus loquella.

vel si vis, licet obseres palatum,

dum nostri sis particeps amoris.