BIBLIOTHECA AUGUSTANA

 

C. Valerius Catullus

ca. 87 - 54 a. Chr. n.

 

Carmina

 

Carmen LXXVII

[ad Rufum.]

 

_________________________________________________________

 

 

 

metrum: distichon dactylicum

 

 

Rufe mihi frustra ac nequiquam credite amice

(frustra? immo magno cum pretio atque malo),

sicine subrepsti mi atque intestina perurens

ei misero eripuisti omnia nostra bona?

5

eripuisti, eheu nostrae crudele venenum

vitae, eheu nostrae pestis amicitiae!