Carmina

Carmen XCV

[ad Gaium Helvium Cinnam.]

_________________________________________________________

metrum: distichon dactylicum

Zmyrna mei Cinnae nonam post denique messem

quam coepta est nonamque edita post hiemem,

milia cum interea quingenta Hortensius uno

<versiculorum anno putidus evomuit.>

5

Zmyrna cavas Satrachi penitus mittetur ad undas,

Zmyrnam cana diu saecula pervoluent.

at Volusi annales Paduam morientur ad ipsam

et laxas scombris saepe dabunt tunicas.

parva mei mihi sint cordi monumenta <sodalis>:

10

at populus tumido gaudeat Antimacho.