Carmen Arvale

Carmen (reconstructio)

Acta fratrum Arvialium (fragmentum)

_________________________________________________________

Carmen Arvale ex inscriptione «acta fratrum Arvalium» (218 p. Chr. n., CIL I² 2)

Reconstructio:

Enos Lases iuvate

Enos Lases iuvate

Enos Lases iuvate

Neve lue rue Marmar sins incurrere in pleoris

5

Neve lue rue Marmar sins incurrere in pleoris

Neve lue rue Marmar sins incurrere in pleoris

Satur fu, fere Mars, limen sali, sta berber

Satur fu, fere Mars, limen sali, sta berber

Satur fu, fere Mars, limen sali, sta berber

10

Semunis alterni advocapit conctos

Semunis alterni advocapit conctos

Semunis alterni advocapit conctos

Enos Marmor iuvato

Enos Marmor iuvato

15

Enos Marmor iuvato

Triumpe

Triumpe

Triumpe

Triumpe

20

Triumpe

________________________

enos = nos

Lases = Lares

Marmar/Marmor = Mars

sins = sinas (coniunctivus ?)

pleores = plures

lue = luem

rue = ruem

Semunis = Semones (dei archaici)

advocapit = advocabite (imp. fut.)

conctos = cunctos

―――――――――――――――

Acta fratrum Arvalium (fragmentum)

[... immolavit suove]taurilibus maiorib(us) deae Diae b(oves) f(eminas) n(umero) II, Iano patri arietes n(umero) II, Iovi verveces n(umero) II, Marti arietes n(umero) II, Iunoni deae Diae oves n(umero) II, sive deo sive deae ov(es) n(umero) II, Virginibus divis ov(es) n(umero) II, Famulis divis verceces n(umero) II, Laribus verveces n(umero) II, Matri Lar(um) oves n(umero) II, Fonti verbeces n(umero) II, Florae oves n(umero) II, Vestae oves n(umero II, Vestae matri oves n(umero) II; item Adolenda Commolendae Deferundae oves n(umero) II; item ante Caesareum divis n(umero) XX verbec(es) n(umero) XX ... operis perfecti causa coll(egium) frat(rum) Arval(ium) fecit si militer q(uod) s(upra) f(actum) e(st) per eundem Avitianum promagistr(um) isdem co(n)s(ulibus) VI kal(endas) Iun(ias) in Palatio in divor(um) per Alfenium Avitianum promag(istrum) fratr(es) Arv(ales) prima luce ture et vino fecerunt et frug(es) arid(as) et virid(es) contiger(unt) et panes laureatos, et deam Diam unguentaverunt, et fratres Arval(es) cathedris conseder(unt) praetextati et ibi praetextas deposuerunt Alfienus Avitianus promag(ister), Catil(ius) Severus, Statil(ius) Silianus, Sulpic(ius) Pollio, Fl(avius) Archelaus, Armenius Peregrinus, ... us, Fl(avius) Alpinus. Item post merid(iem) a balneo cathedris consederunt; deinde manibus lautis cenatoria alba sumser(unt) et in tricliniarib(us) discubuer(unt) et epulati sunt. Item pueri praetextati patrimi et matrimi senator(um) fili ii(umero) IIII in cathedris consederunt et epulati sunt. Fratres Arvales post epulas super toralibus segmentatis discubuer(unt) et t(ure) v(ino) f(ecerunt) et per pueros praetext(atos) senatorum filios et public(os) ad aram pertul(erunt) et unguent(a) et coronas acceperunt et in mantelis pulmenta rursus contigerunt. Item mensa secunda bellarior(um) divisa est, et sportulas acceper(unt) sacerdotes imp(eratoris) Aug(usti) et ceteri sacerdotes q(ui) s(upra) s(cripti) s(unt), et rosam solutam diviser(unt), ibique felic(ia) dixer(unt). Item IIII kal(endas) Iunias in luco deae Diae Alfenius Avitianus promag(ister) ad aram immol(avit) porcil(ias) piacul(ares) II luci coinq(uiendi) et operis faciund(i); ibi vacc(am) honor(ariam) imm(olavit) et inde in tetrastylo revers(us) subsellis consed(it). Deinde reversus ad aram extas reddidit porciliar(es). Item in circo in foculo arg(enteo) cespiti ornato extam vacc(inam) redd(idit), et in tetrastylo reversus est, et in codice cavit, et praetextam deposuit, et in papilione suo reversus. Promeridie autem fratres Arvales praetextas acceper(unt) et in tetrastylo convenerunt et subsellis consederunt et caverunt se adfuisse et sacrum fecisse, et porcilias piaculares epulati sunt et sanguem postea. Inde praetextati capite velato vittis spiceis coronati lucum adscenderunt et per Alfenium Avitianum promag(istrum) agnam opimam imm(olarunt) et hostiae litationem inspexer(unt). Perfecto sacrificio omnes ture et vino fecerunt. Deinde reversi in aedem in mensa sacrum fecerunt ollis et ante aedem in cespite promag(ister) et flam(en) sacr(um) fecer(unt). Item foras ad aram reversi thesauros dederunt; item flam(en) et promag(ister) scyfos arg(enteos) cum sumpuis (sic) vino repletis ante osteum et acerras ferentes ture et vino fecer(unt), et ante osteum restiter(unt) et duo ad fruges petendas cum publicis desciderunt et reversi dextra dederunt, laeva receperunt; deinde ad alterutrum sibi redd(iderunt), et public(is) frug(es) tradider(unt). Deinde in aedem intraver(unt) et ollas precati sunt, et osteis apertis per clivum iactaverunt, deinde subsellis marmoreis consed(erunt) et panes laureat(os) per public(os) partiti sunt; ibi omn(es) lumemulia cum rapinis acceperunt et deas unguentaverunt, et aedes clusa e(st). Omnes for[a]s exierunt, ibi sacerdotes clusi, succincti, libellis acceptis carmen descindentes tripodaverunt in verba haec:

Enos Lases iuvate, [e]nos Lases iuvate, enos Lases iuvate! neve lu[er]ve Marma[r] sins incurrere in pleores, neve luerve Marmar [si]ns incurrere in pleor[eJs, neve luerve Marmar s[in]s incurrere in pleor[e]s! satur fu, [f]ere Mars! satur fu, [fJere Mars! limen [sali], sta berber! satur fu, fere Mars! limen sali, sta berber! satur fu, fere Mars! limen sali, sta berber! [sem]unis altemei advocapit conctos, semunis alternei advocapit conctos, s[e]munis altern[ei] advocapit [conct]os! enos Marmar iuvato, enos Marmar iuvato, enos Ma[r]mar iuvato! triumpe, triumpe, triumpe, triumpe, triumpe!

Post tripodationem deinde signo dato publici introier(unt) et libellos receperunt.

Fons: Wilhelm Henzen: Acta Fratrum Arvalium quae supersunt, Berlini, Typis et impressis Georgii Reimeri, 1874