B  I  B  L  I  O  T  H  E  C  A    A  U  G  U  S  T  A  N  A
           
  Corpus Priapeorum
ca. 90 p. Chr. n.
     
   


P r i a p e a   l a t i n a

I n s c r i p t i o n e s

Textus:
Carmina Priapea
Gedichte an den Gartengott
latine et germanice
ed. Bernhard Kytzler
tr. Carl Fischer
Zürich/München 1978


______________________________________

  
 
      CIL 06, 03708 (p 3007,3416,3758) = CIL 06, 05173 = CIL 06, 30992 = CLE 00193 = D 03585 (Roma)
Custos sepulcri pene destricto deus
Priapus ego sum. mortis et vitai locus.


      CIL 05, 02803 = CLE 00861 (Venetia: Padova/Patavium, Tibullus?)
Vilicus aerari(i) quondam, nunc cultor agelli,
      haec tibi Perspectus templa, Priape, dico.
pro quibus officieis(!), si fas est, sancte, paciscor,
      adsiduus custos ruris ut esse velis,
5
improbus ut si quis nostrum violabit agellum,
      hunc tu, sed tento -: scis, puto, quod sequitur.


      CIL 03, 01139 = IDR-03-05-01, 00308 = D 03582 (Dacia: Alba Iulia/Apulum)
Priepo / Pantheo / PP(ubli) Aelii / Ursio et An/tonianus ae/diles col(oniae) Apul(ensis) / dicaverunt / Severo et Quintiano co(n)s(ulibus)


      CIL 14, 03565 = InscrIt-04-01, 00066 = CLE 01504 (Latium et Campania: Tivoli/Tibur)
Genio numinis Pria[pi]
poten[t]is polle[ntis invi]cti
Iul(ius) Agathemerus
Aug(usti) lib(ertus) a
cura amicorum
somno monitus

     Salve, sancte pater Priape rerum,
salve. mihi floridam iuventam
da mihi ut pueris ut puellis
fascino placeam bonis procaci
5
lusibusque frequentibus iocisque
dissipem curas animo nocentes
nec gravem timeam nimis senectam,
angar haud [miser]ae pavore mortis
qua ad domus trahet invidas [Aver]n[i,
10
fabulas manes ubi rex coercet,
unde fata negant redire quemquam.
salve, sancte pater Priape, sal[v]e.
     convenite simul quot est[is om]nes,
quae sacrum colitis [ne]mus [pu]ellae,
15
quae sacras colitis a[q]uas puellae,
convenite quot estis atque [be]llo
voce dicite blandula [Pria]po:
salve, sancte pater Priape rerum.
in]guini oscula figite inde mille,
20
fasci]num bene olentibus [cor]onis
cing]ite illi iterumque dicite omnes:
salve, san]cte pater Priape rerum
nam malos arcens homines [cr]uentos
ire per silvas dat ille vo[b]is
25
perque opaca silentia incruenta,
ille fontibus arcet et scelestos,
inprobo pede qui sacros liquores
transeunt faciuntque turbulentos
qui lav[an]tque manus nec ante multa
30
invocant prece vos, deae pu[ellae.
«o Priape, fave, alme» dicite [omnes,
«salve, sancte pater Priape [salve.»
     o Priape potens ami[ce, salve,
seu cupis genitor vo[cari] et auctor
35
orbis aut physis ipsa Panque, salve.
namque concipitur tuo vigore
quod solum [repl]et aethera atque pontum.
ergo salve, Priape, salve, sancte.
saeva [Iupiter] ipse te volente
40
ultro fulmina ponit atque [se]des
lucidas cupidus suas relin[quit.
te Venus bona, fervidus Cupido,
Gratia et ge[minae] colunt [sor]ores
atque laeti[tiae da]tor Lyaeus.
45
namque te si[ne n]ec Venus proba[tur,
Gratiae illepidae, Cupi[do, B]acchus.
o Priape potens amice, salve.
te vocant prece virgi[nes pudi]cae,
zonulam ut solvas diu ligatam,
50
teque nupta vocat sit ut mari[to
nervus saepe rigens potensque sem[per.
salve, sancte pater Priape, s[alve.