| |
|
-
- F a b u l a r u m l i b e r
XXIV
De venatore et leone
- _______________________________________________
- Certamen longa protractum lite gerebant
venator quondam nobilis atque leo.
hi cum perpetuum cuperent in iurgia finem,
edita continuo fronte sepulcra vident.
- 5
- illic docta manus flectentem colla leonem
fecerat in gremio procubuisse viri.
«scilicet affirmas pictura teste superbum
te fieri? extinctam nam docet esse feram.»
ille graves oculos ad inania signa retorquens
- 10
- infremit et rabido pectore verba dedit:
«irrita te generis subiit fiducia vestri,
artificis testem si cupis esse manum.
quod si nostra novum caperet sollertia sensum,
sculperet ut docili pollice saxa leo,
- 15
- tunc hominem adspiceres oppressum murmure magno,
conderet ut rabidis ultima fata genis.»
|
|