BIBLIOTHECA AUGUSTANA

 

Venantius Fortunatus

ca. 530 - ca. 600

 

Carminum spuriorum appendix

 

Carmen spurium IX

 

___________________________________________________________________________________

 

 

 

IX

In laudem sanctae Mariae

 

Ave maris stella,

dei mater alma

atque semper virgo,

felix caeli porta.

 

5

Sumens illud ave

Gabrielis ore,

funda nos in pace,

mutans Evae nomen.

 

Solve vincla reis,

10

profer lumen caecis,

mala nostra pelle,

bona cuncta posce.

 

Monstra te esse matrem,

sumat per te preces

15

qui pro nobis natus

tulit esse tuus.

 

Virgo singularis,

inter omnes mitis,

nos culpis solutos

20

mites fac et castos.

 

Vitam praesta puram,

iter para tutum,

ut videntes Iesum,

semper collaetemur.

 

25

Sit laus deo patri,

summo Christo decus,

spiritui sancto,

tribus honor unus.