Evangelistarium

fol. 104r-104v

Mt. 9:9-13

____________________________________________________________

Manuscriptum

In vigilia S. Matthei apostoli.

Sequentia sancti evangelii

secundum Matthaeum.

9:9

In illo tempore. Cum transiret Ihesus, vidit hominem sedentem in telonio, Matthaeum nomine. Et ait illi: Sequere me. Et surgens, secutus est eum.

9:10

Et factum est, discumbente eo in domo, ecce multi publicani et peccatores venientes, discumbebant cum Ihesu, et discipulis eius.

9:11

Et videntes pharisaei, dicebant discipulis eius: Quare cum publicanis et peccatoribus manducat magister vester?

9:12

At Ihesus audiens, ait: Non est opus valentibus medicus, sed male habentibus.

9:13

Euntes autem discite quid est: Misericordiam volo, et non sacrificium. Non enim veni vocare iustos, sed peccatores.