Evangelistarium

fol. 110v-111r

Mt. 8:14-22

____________________________________________________________

Manuscriptum

Feria IIII.

Sequentia sancti evangelii

secundum [Matthaeum].

8:14

In illo tempore. Cum venisset Ihesus in domum Petri, vidit socrum eius iacentem, et febricitantem:

8:15

et tetigit manum eius, et dimisit eam febris, et surrexit, et ministrabat eis.

8:16

Vespere autem facto, obtulerunt ei multos daemonia habentes: et eiiciebat spiritus verbo, et omnes male habentes curavit:

8:17

ut adimpleretur quod dictum est per Hesaiam prophetam, dicentem: Ipse infirmitates nostras accepit: et aegrotationes nostras portavit.

8:18

Videns autem Ihesus turbas multas circum se, iussit ire trans fretum.

8:19

Et accedens unus scriba, ait illi: Magister, sequar te, quocumque ieris.

8:20

Et dicit ei Ihesus: Vulpes foveas habent, et volucres caeli nidos; Filius autem hominis non habet ubi caput reclinet.

8:21

Alius autem de discipulis eius ait illi: Domine, permitte me primum ire, et sepelire patrem meum.

8:22

Ihesus autem ait illi: Sequere me, et dimitte mortuos sepelire mortuos suos.