Epilogus ad papam
2070 |
Jam mare transcurri, Gades in littore fixi.
Et mihi te portum statuo, qui, maxima rerum,
Non Deus es nec homo: quasi neuter es inter utrumque,
Quem Deus elegit socium. Socialiter egit
Tecum, partitus tibi mundum; noluit unus
| |
2075 | Omnia, sed voluit tibi terras et sibi caelum.
Quid potuit melius? Quid majus? Cui meliori
Vel cui majori? Dico minus, immo vel aeque
Magno, vel simili? Pater ergo, vicarie Christi,
Me totum committo tibi, sapientia cujus
| |
2080 | Ut fons scaturiens, rationis acumen ut ignis
Scintillas jaciens, velox facundia tanquam
Torrens praerapide currens, et gratia mira est.
Omne quod humanum transcendes dicere vellem
| |
| Plene, sed res est longe facundior ore.
|
|
|