De diversis artibus libri III

Liber secundus

____________________________________________________________

Caput XV.

De vitro graeco, quod musivum opus decorat.

VITREAS etiam tabulas faciunt opere fenestrario ex albo vitro lucido, spissas ad mensuram unius digiti, findentes eas calido ferro per quadras particulas minutas, et co-operientes eas in uno latere auri petula, superliniunt vitrum lucidissimum tritum ut supra. Hujusmodi vitrum interpositum musivum opus omnino decorat.