De diversis artibus libri III

Liber tertius

____________________________________________________________

Caput XCVII. ¹⁾

De floribus ad scribendum.

FLORES in varios qui vult mutare colores

Causa scribendi quos libri pagina poscit,

Est opus ut segetes in summo mane pererret

Et tunc diversos flores ortuque recentes

Inveniat, properetque sibi decerpere eosdem.

Cumque domi fuerint caveat ne ponat in unum

Illos, sed faciat quod talis res sibi poscit vel quaerit.

Dum super aequalem petram contriveris istos

Flores, incoctum pariter tum congere gypsum.

Sic tibi siccatos poteris servare colores.

Ex quibus in viridem si vis mutare colorem,

Calcem commisce cum floribus, inde videbis

Quod tibi mandavi, veluti ipse probavi.

――――――――

1) Heraclii capitula est.