Hendecasyllaborum

seu Baiarum libri II

Liber I

_________________________________________________________

XXVI.

De Marulli amoribus.

Musae, quas adamet meus Marullus,

aut siquae redament meum Marullum,

Musae, dicite, namque amare certum est.

Nosti delicias puellularum,

5

nosti quae veneres cupidinesque

argutis iaculatur ex ocellis,

quae spirat casiamque cinnamumque,

ministrat pharetram facesque Amori

pulchro pectore dia Septimilla?

10

Haec illa est, quam adamat tuus Marullus,

quae contra redamat suum Marullum,

felix copula, mutui calores.