De casibus Joannis Piemontani

ca. 1510

Textus:

Johannes Butzbach: Chronica eines fahrenden Schülers

oder Wanderbüchlein des Johannes Butzbach

Hrsg.: Damian J. Becker, Regensburg: Verlag Manz 1869

Facsimile: Bayerische Staatsbibliothek

_____________________________________________________________________

Ode sapphica.

De casibus Joannis Piemontani.

Te piam Christi rogito parentem,

Dirigas nostrum calamum trementem,

Ut novi casus celebrem poetae

Carmine digno.

5

Ite iam cnrae procnl et labores,

Ite, qui sensus mihi detinetis;

Est opus matris Mariae favore:

Nam ardua res est.

Jam tuam laudem celebrare tento,

10

Frater, in quantam potero canendo,

Annuat coeptis pater atque proles

Cum paracleto!

Tu tuam vitam varios per actus

Casuum, frater pie, saepe duxti;

15

Gentium sectas iuvenis pererrans

Visere tentas.

Multa rerum more senum pericla

Es puer passus, licet haud agebas

Bina lustra, exinde parentis ora

20

Deseris aegre.

Noricae vallis properas in urbem

Ocius nactus paedagogum iniquum;

Ah, miser tandem pede sauciatus

Linqueris exul.

25

Inter immanes veniens Bohemos,

Innocens cor contuleras reatus,

Qui ferox gens est, rationis expers

Atque rebellis.

Mira res! Tu cultor ubique Christi,

30

Mente servata sine labe vivis,

Sicut inter mille lupos ubi agna

Libera pascit.

Inter aut spinas, ubi sunt colubri,

Gryphs, leo aut tigris, crocodili aprique

35

Atque sirenes potuisses inter

Tutior isse.

Hinc viam tecta ad repetis paterna,

Ceu volat pulchra e pedicis aëdon;

Mox acus ac militiae refutas

40

Munus inane.

Pergis ad Rheni occidui popellum

Litteris claris operam daturus,

Et sitis suffers famis ac pericla

Plurima saepe.

45

Militaturus domino subintras

Claustra devotus, fugiens caduca

Saeculi, silvas habitare quaeris,

Diva revolvens.

Jam videris Castalium bibisse

50

Fontium sacros latices: canis nam

Gesta clarorum fidibus virorum

Maeoniis tu.

Frater, Astraeis calamis Minerva

Muneravit Calliopea forte

55

Te his: potes stirpis celebrare laudem

Carmine nostrae.

Inter imbutum Argolicos reor te

Ac viris cum Cecropis fuisse;

Nam tuo nectit capiti corollam

60

Candida Pallas.

Jam tibi cella Elysius videtur

Laetos ac campus quasi flore ridens;

Tempus haud ullum perlt otiosum

Nec tibi vita.

55

Hispidus paucis iuvenis sub annis

Fungeris digne officio prioris:

Te manent, frater, pia post laborem

Praemia Christi.

Frater, his nostris valeas amicis

70

Faustior, multa et numerando lustra,

Chare, nostrorum facies parentum

Conspiciam fac!

Frater, qui decus es fratribus omnibus,

Exemplar sociis et modo praevium

75

Virtutis specimen atque scientiae:

Clementi haec animo carmina suscipe,

Oramus, qui eadem semper ab invido

Conserves, valeas, faustior omnibus!