Imperatores Turcici,

seu de eorum vita et rebus gestis

_____________________________________________________________________

ORCHANNES II.

CUm primum patrias Orchannes cepit habenas

Quas tulit auspiciis Bistonis ora tuis.

Nondum transierat tempus iuvenile, nec eius

Texerat implumes nubila barba genas:

5

Protinus et volucris prope flumina dicitur Hebri

Occisus, patrui proditione sui.

Dum miser infidis committit proelia signis,

Gazarrhena loco quo sita tecta iacent.