| |
|
- E p i t h a l a m i u m
Versio digitalis:
Boris Maroutaeff
Université catholique de Louvain
- __________________________________________________________
- Hora suavicula, et voluptuosa,
Hora blanditiis, lepore, risu,
Hora deliciis, iocis, susurris,
Hora suaviolis, parique magnis
- 5
- Cum Diis et Iove transigenda forte;
Hora qua poterat beatiorem
Nec Gnydi Dea sancta polliceri;
Nec qui cum pharetra pererrat orbem,
Curis gaudia delicata iniscens,
- 10
- Penna splendidus aurea Cupido;
Magni pronuba nec soror Tonantis;
Nec qui floridulas Hymen puellas
Raptas e gremio tenace matrum
Involvit cupidis viri lacertis
- 15
- Rupis incola floriger canorx,
Advecta est, serie rotante caeli.
O felix iuvenis, puella felix !
Felix sponse, cul cupita flamma
Iam nunc in geminis quiescet ulnis,
- 20
- Puella aetheria beata forma,
Qualem magna Venus, velitque Iuno,
Et quae casside Martia refulget
Sancto vertice procreata Pallas,
Si iunctae statuant adire valles
- 25
- Umbrosas iterum virentis Idae,
Qua spectanda vel haec, vel haec, vel illa,
Quovis iudicio superba malum
Victrix aureolum reportet astris.
O felix iuvenis, puella felix !
- 30
- Felix sponsa, cui cupitus ardor
Affusus modo lectulo in beato,
Stringet colla tenacibus lacertis,
Insigni iuvenis venustus ore,
Istis qui roseis tuis labellis,
- 35
- Istis qui niveis tuis papillis,
Isto qui rutilante crine tactus,
Isto lumine qui loquace victus,
Iampridem tacito voratur igni,
Lentumque increpat usque et usque solem,
- 40
- Tardamque invocat usque et usque lunam.
O felix iuvenis, puella felix !
Votis fervide sponse, parce votis,
Et suspiria mitte, mitte questus,
Tempus accelerat suave : mitis
- 45
- Exaudit gemitus Venus suorum ;
Condit Cynthius ora, condit ora,
Seque gurgite perluens Ibero
Cedit noctivagae locum Sorori.
Et quo gratior haud relucet ignis
- 50
- Coniunctis animis amore dulci,
Producit caput, emicatque caelo
Ductor Hesperus aureae catervie.
O felix iuvenis, puella felix
Iam virgo thalamum subibit, unde
- 55
- Ne virgo redeat, marite, cura.
Iam virgo niveis locata fulcris
Adventum cupiet tuum, tremetque,
Perfusa ingenuo rubore malas
Forsan et lacrymis genx madebunt,
- 60
- Et suspiria fundet, et querelas.
At tu nil remoratus, et querelas,
Et suspiria, lacrymasque tolles,
Abstergens oculos tuo ore, dulce
Murmur pro querimoniis reponens.
- 65
- O felix iuvenis, puella felix !
Ergo, membra ubi virginis decorae
Felix candida lectulus fovebit,
Membra languidulo parata somno,
Et molli quoque te toro locatum,
- 70
- Supra purpureos beata reges,
Supra constituet Iovem Dione;
Mox te blandidicis parare rixis,
Mox te molliculae parare pugnae,
Motus occipies calore iusto
- 75
- Belli prospera signa non cruenti
Figens mille protervus hic et illic,
Collo basia multa, multa malis,
Labris basia plura, plura ocellis.
Repugnabit, et improbum vocabit,
- 80
- Et dicet : «Satis est» tremente vote,
Arcebitque manu proterva labra,
Propelletque manu manum protervam.
O noctem ter, et amplius beatam !
Pugnet strenua, pugnet illa ! pasci
- 85
- Pugnando teneri volunt Amores.
Pugnando tibi duplicatus ardor
Vires sufficiet novas in arma;
Tune per candida colla, tune per illud
Quod certat ebori nitore pectus,
- 90
- Tune per crura tenella, perque ventrem,
Et quae proxima sunt et huit et illis,
Saltu volve agili manum salacem,
Et tot millia iunge basiorum,
Quod caelum rutilos tenebit ignes.
- 95
- O noctem quater et quater beatam !
Nec desint tibi blandulaeque votes,
Et quzecunque iuvant perita verba
Nec cum murmure sibili suaves,
Quales dant Zephyro sonante blandum
- 100
- Frondes; quale columba, quale cycnus
Annosus moriente spirat ore,
Donec victa potentibus sagittis,
Et caeco Pueri volantis igne,
Paulatim minus et minus severa,
- 105
- Ponet purpureum toro pudorem,
Collum in brachia nexuosa dedens,
Collo brachia nexuosa stringens.
O noctem quater, o quater beatam !
Tune, tune oscula delicata sumes,
- 110
- Nullis contemerata quae rapinis
Haerebunt vario morata nexu.
Tune lusus similes, paresque virgo
Reddet delicias, et os hiulcum
Iampridem patulo licenter ori
- 115
- Committens. animae libidinoso
Fragrantis cupidum beabit haustu.
Mox Insu quoque molliore ludens,
Dicet blanditias suaviores,
Emittet digitos licentiores,
- 120
- Finget nequitiam salaciorem.
O noctem nimis et nimis beatam !
Tune arma expedienda, tune ad arma
Et Venus vocat, et vocat Cupido.
Tune in vulnera grata proruendum.
- 125
- Huc, illuc agilis feratur hasta,
Quam crebro furibunda verset ictu
Non Martis soror, ast amica Martis,
Semper laeta novo cruore, Cypris.
Nec quies lateri laborioso
- 130
- Detur, mobilibus nec ulla coxis,
Donec deficiente voce anhela,
Donec deficientibus medullis,
Membris languidulis, madens uterque
Sudabit varii liquoris undas.
- 135
- O noctem nimis, o nimis beatam !
Sudate ut libet, et diesque longas,
Noctesque exigite impotente lusu ;
Et brevi date liberosque dulces,
Et longo ordine blandulos nepotes,
- 140
- Qua vobis senii minuta turba
Olim sollicitos levabit annos,
Arcebit querulos toro dolores,
Languentum tremulos fovebit artus,
Componet tumulo pios parentes.
- 145
- O felix iuvenis, puella felix !
|
|