Ad maiorem supradictarum cessionum et alienationum validitatem, Imperator et Imperium, vigore praesentis transactionis expresse derogant omnibus et singulis praedecessorum Imperatorum, Sacrique Romani Imperii Decretis, Constitutionibus, Statutis et Consuetudinibus, etiam Iuramento firmatis aut imposterum firmandis, nominatimque Capitulationi Caesareae, quatenus alienatio omnimoda bonorum et Iurium Imperii prohibetur, simulque in perpetuum excludunt omnes exceptiones et restitutionis vias, quocunque tandem iure titulove fundari possent.
|
|
IPO
Hunc textum non habet IPO.
|